د افغانستان په اړه د ترکیې د بهرنیو چارو وزیر چاووش اوغلو مهمې څرګندونې
چاووش اوغلو : د طالبانو د رسمیت پیژندو په مسئله کې به بیړه او عجله نلرو.
![د افغانستان په اړه د ترکیې د بهرنیو چارو وزیر چاووش اوغلو مهمې څرګندونې](http://cdn.trt.net.tr/images/xlarge/rectangle/ffde/f82b/6574/6062edf8120dc.jpg?time=1718959665)
د ترکیې د بهرنیو چارو وزیر مولود چاووش اوغلو د افغانستان او په ځانګړې توګه د کابل د هوايي ډګر په اړه ډیرې مهمې څرګندونې وکړې.
هغه وویل چې " د کابل د هوايي ډګر د مدیریت په مسئله کې د قطر او امریکا سره په ګډه کار کوو. دا همکاري په دوو پړاونو کې روانه ده. "
هغه د یو تلویزیوني خپرونې سره په مرکه کې وویل چې د کابل د هوايي ډګر د مدیریت په مسئله کې د قطر او امریکا سره په ګډه توګه کار کوو.
هغه وویل چې د کابل هوايي ډګر دم ګړې د تخنیکي الوتنو او بشري مرستو پر مخ پرانیستل شوی دی. تخنیکي ډلو او په بشري مرستو بار الوتکې د کابل په هوايي ډګر ښکته کیږي. همداشان داخلي پروازونه هم پيل شوي دي. په کابل کې یو زیات شمیر کسان د تخلیې په خاطر نانتظار باسي. ترکېې خپل ډیری هغه وګړي چې غوښتل يي ترکیې ته راشي مونږ ټول راوستي دي. ترکیې څه باندې ۱۴۰۰ تنه د ترکیې وګړي هیواد ته راستانه کړو.
هغه ددې پوښتنې په ځواب کې چې ایا ترکیه به طالبان په رسمیت وپیژني او که نه؟ داسې وویل " پدې مسئله کې باید بیړه ونشي. همداشان نورې نړۍ ته هم زمونږ توصیه همدا ده چې پدې مسئله کې بیړه ونکړي او د عجلې نه کار وانخلي.
په افغانستان کې جوړیدونکی حکومت باید یو پراخ بڼسټه او ټولشموله حکومت وي. یواځې د طالبانو نه جوړ نوي. د هیواد د هر وګړي او هر قوم استازیتوب وکړي. نړۍوالو قوانینو، حقوقو او اصولو سره سم باید حرکت وکړي. ښځو ته باید پکې لازمه ونډه او حق ورکړ شي. ترکیه به دې شرایطو ، پرمختګونو او تحولاتو ته په کتو سره لازم تصمیم ونیسي. لکه څرنګه چې پوهیږۍ ترکېې تر ننه پورې د افغانستان نه هم د انساني او هم د اخلاقي پلوه خپل مسئولیتونه د هر چا نه ډیر ښه پر ځای کړي دي.
نن ورځ هر سړی دا خبره مني چې ترکیې خپل هر ډول مسئولیت پر ځای کړی دی. ددینه ډیر زمونږ د وسې نه بهر خبره ده. په ځانګړې توګه ترکیه د کډوالو په برخه کې نور د یو تن ناقانونه کډوال زغم او توان نلري.
ترکیه مجبوره شوې ده چې پدې برخه کې لازم تدابیر ونیسي . د کډوالو په مسئله کې مونږ تل هر ډول بشري او وجداني مسئولیتونه پر ځای کړي دي خو د افغانستان نه د کډوالۍ مسئله یوه نړۍواله مسئله او ستونزه ده. ترکیه ددینه زیات څه نشي کولی."
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718959665)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718959665)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله