د ترکیې د عالي عسکري شورا کلنۍ غونډه د ولسمشر اردوغان په مشرۍ نن پيل شوه
د ترکیې د ولسمشر رجب طیب اردوغان په مشرۍ عالي عسکري شورا غونډه نن په پلازمینه انقره کې پيل شوه.
د ولسمشر اردوغان په مشرۍ د عالي عسکري شورا غړیو د غونډې د پيلیدو نه مخکې د ترکیې جمهوریت موسس مصطفی کمال اتاترک د مزار انت کبیر زیارت وکړ.
د ولسمشر اردوغان په مشرۍ هیئت د اتاترک په مزار د ګلانو د ګیډۍ د ایښودو نه وروسته د درناوي مراسم پر ځای کړل او وروسته میثاق ملي څلي ته تیر شول.
ولسمشر اردوغان وروسته د اتاترک د مزار په ځانګړي کتاب کې لاسلیک وکړ او داسې ولیکل ! عزیز اتاترک ، د ۲۰۲۱ کال د عالي عسکري شورا د غونډې په خاطر ستاسې په حضور کې قرار لرو. لکه څرنګه چې تاسې ورته اشاره کړې وه د ترکیې جمهوریت معاصر مدنیت او لا لوړې سویې ته د رسولو په خاطر مبارزې ته دوام ورکوو. پداسې حال کې چې د کرونا ویروس وبا ناروغۍ ټوله نړۍ ډیره زیاته اغیزمنه کړې ده ترکیې د اقتصاد نه نیولې تر دفاعي صنایع ، د تولیداتو نه تر روغتیا پورې په یو زیات شمیر برخو کې ډیر ستر بریالیتوبونه ترلاسه کړي دي. ددې سربیره د هیواد وسله وال پوځ د هیواد دننه او بهر د ډیرو بریالیو عملیاتو سره زمونږ د ملت اعتماد او باور لا پسې مضبوط او پياوړی کړی دی.
روح مو ښاد
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
