د ترکیې د ملي راډیو تلویزیون لپاره نوی مشرتابه وټاکل شو
پروفیسور ډاکټر محمد زاهد سوباجي د ترکیې ملي راډیو تلویزیون د رئیس او احمد البیرق د رهبرۍ د شورا د رئیس په توګه وټاکل شول
پروفیسور ډاکټر محمد زاهد سوباجي د ترکیې د ملي راډیو تلویزیون « ټي آر ټي » د نوي رئیس په توګه وټاکل شو. همداشان پروفیسور ډاکټر احمد البیرق د ټي آر ټي د رهبرۍ د شورا د رئیس په توګه وټاکل شو.
د ویلو ده چې د ترکیې د ملي راډیو تلویزیون او رهبرۍ د شورا د رئیس ابراهیم ایرن د دندې ۴ کلنه موده پایته رسیدو نه وروسته د ټي آر ټي لپاره نوی مشرتابه وټاکل شو.
د ولسمشر رجب طیب اردوغان د فرمان له مخې پروفیسور ډاکټر محمد زاهد سوباجي د ټي آر ټي د عمومي رئیس او پروفیسور ډاکټر احمد البیرق د رهبرۍ د شورا د رئیس په توګه وټاکل شو.
د ویلو ده چې ددینه مخکې د ترکیې د ملي راډیو تلویزیون د ریاست او رهبرۍ د شورا مشري د یو تن لخوا کیده خو ولسمشر اردوغان د فرمان له مخې داځل د ریاست او رهبرۍ شورا د مشرۍ لپاره جلا جلا کسان وټاکل .
همداشان د ولسمشر د فرمان له مخې د ترکیې د ملي راډیو تلویزیون د رهبرۍ شورا د غړیو شمیره د ۷ نه ۹ تنو ته لوړ کړ.
د ویلو ده چې ابراهیم ایران په ۲۰۱۳ کال کې د ترکیې د ملي راډیو تلویزیون د مرستیال په توګه په دنده پيل وکړ او په ۲۰۱۷ کال کې بیا د رئیس په توګه وټاکل شو.
ابراهیم ایرن د ټولنیزې مډیا له لارې د پيغام په خپرولو سره د ولسمشر رجب طیب اردوغان نه ډیره زیاته مننه کړې ده . همداشان هغه د تي آر ټي د ټولو کارکوونکو نه هم مننه کړې ده.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله