په ترکیه کې د ماشومانو د وینې او سرطاني ناروغیو تر ټولو ستر روغتون جوړ شو
د ترکیې ولسمشر رجب طیب اردوغان په قیصري ولایت کې جوړ شوی د ماشومانو د هیماتولوژي او اونکولوژي ( وینې او سرطاني ناروغي ) روغتون پرانیست.
![په ترکیه کې د ماشومانو د وینې او سرطاني ناروغیو تر ټولو ستر روغتون جوړ شو](http://cdn.trt.net.tr/images/xlarge/rectangle/e8b8/5647/3d8a/60e14dc05e84a.jpg?time=1718859912)
ولسمشر اردوغان د روغتون په پرانیست وینا کې وویل انشاالله چې دا روغتون به د نړۍ د ټولو ماشومانو لپاره د نوو هیلو او امیدونو باب پرانیزي.
ولسمشر اردوغان د قیصري ولایت د ایرجیس پوهنتون د ( قنقا ماشومانو هیماتولوژۍ او اونکولوژي روغتون ) وینې او سرطاني ناروغیو روغتون په پرانیست وینا کې د لرې لارې څخه د ټیلیفوني اړیکې سره ګډون وکړ.
ولسمشر اردوغان په پرانیست کې وویل چې " زمونږ دا روغتون په یو وخت کې ۴۰ ماشومانو ته د هډوکو د مغز د پیوند د عملیاتو د ترسره کولو په توان او ظرفیت جوړ شوی دی. "
هغه زیاته کړه دا روغتون چې د هیواد د خیرخواه او بشردوسته مرستندویانو په مرسته جوړ شوی دی د قیصري او ټول هیواد ماشومانو ته دې مبارک وي.
ولسمشر اردوغان زیاته کړه چې دا روغتون د هډوکو د مغز د پیوند، تالاسمي او هموفیلي د ناروغیو د مرکزونو سربیره د خپو په سر د تداوۍ د مرکزونو سره د ترکیې په کچه تر ټولو ستر د ماشومانو روغتون دی.
دا روغتون په یوخت کې ۴۰ تنو ماشومانو ته د هډوکو د مغز د پیوند په ظرفیت جوړ شوی دی. ددې ځانګړتیا سربیره زمونږ دا روغتون ترکیه خو پر ځای پریږده د نړۍ د روغتونونو سره د سیالۍ توان لري.
انشاالله چې ددې روغتون د مسلکي کدرونو او ټولو اړتیاوو د پوره کیدو نه وروسته به په نږدې راتلوونکی کې په سیمه او ټوله نړۍ کې د ماشومانو لپاره د هیلو او امیدونو په دروازې بدل شي.
ولسمشر اردوغان وویل چې زه ددې روغتون په جوړولو کې د مرسته کوونکو ټولو مرستندویانو او د ایرجیس پوهنتون د ادارې نه د ټول هیواد په استازیتوب د زړه له کومې مننه کوم.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718859912)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718859912)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله