ترکیې د یوې میاشتې په دننه کې د پي کا کا ترهګري سازمان دویم مهم مشر له منځه یوړ
ترکیې دا ځل د عراق د محمور سیمې لپاره د پي کا کا ترهګري سازمان عمومي مشر له منځه یوړ
د ترکیې ملي استخباراتو د پي کاکا ترهګري سازمان یو بل ډیر مهم غړی له منځه یوړ.
دا خبر پخپله ولسمشر رجب طیب اردوغان ورکړ.
ولسمشر اردوغان وویل چې د ترکیې ملي استخباراتو د عراق د محمور د سیمې لپاره د پي کا کا ترهګري سازمان عمومي مشر او مسئول سلمان بوزکر چې په ډاکټر حسین مشهور وو له منځه یوړ.
ولسمشر اردوغان وویل چې د پي کا کا ترهګري سازمان د محمور نه د ترهګرو د روزنتون او زیږنتون د مرکز په توګه کار اخیسته. ترکیه به هیڅکله هم دې ترهګرو ته د محمور سیمې نه د روزنتون او زیږنتون د مرکز په توګه د کار اخیستو نه اجازه ورنکړي. ترکیه د پي کا کا او ټولو ترهګرو سازمانونو ريښې د هیواد دننه او بهر وچولو ته ژمن دی. ترکیه به ددې ترهګرو پر خلاف عملیاتو ته دوام ورکړي.
همداشان ولسمشر اردوغان د نوموړي ترهګر د لمنځه وړو په عملیاتو کې ګډون کوونکو د ترکیې امنیتي ځواکونو مننه کړې ده .
د ویلو ده چې ترکیې استخباراتو یو څه موده مخکې هم په عراق کې د سوریې لپاره د پي کا کا ترهګري سازمان د وسله والو څانګو پي وای ډي او وای پي جي عمومي مشر صوفي نورالدین له منځه وړی وو.
همداشان ترکیې ملي استخباراتو تیره اونۍ په کینیا کې د فتح الله ګولن ترهګري سازمان د بڼسټګر او مشر وراره او یو تن مهم غړی د نیولو نه وروسته ترکیې ته راوړ او عدالت ته يي وسپاره.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
