ولسمشر اردوغان د روسیې د ولسمشر پوتین سره ټیلیفوني خبرې وکړې
د ترکیې ولسمشر رجب طیب اردوغان د روسیې د ولسمشر ولادیمیر پوتین سره ټيلیفوني خبرې وکړې.
د ترکیې د ولسمشرۍ ماڼۍ د عامه اړیکو د ریاست د معلوماتو له مخې ولسمشر اردوغان د روسیې د ولسمشر ولادیمیر پوتین سره ټیلیفوني خبرې وکړې.
دواړو مشرانو پدې ټیلیفوني خبرو کې د فلسطین پر وضعیت او وروستیو پرمختګونو او د سپوتنیک ۵ واکسین پر مسئلې خبرې وکړې.
ولسمشر اردوغان د پوتین سره په ټيلیفوني خبرو کې ددې خبرې په ټینګار وویل چې ترکیې د اسرائیلو لخوا په بیت المقدس، مسجدالاقصی او غزې د وحشیانه او ظالمانه بریدونو په مقابل کې تر ټولو سخت غبرګون ښودلی دی او د نړۍوالې ټولنې نه غواړي چې اسرائیل ته د درس ورکولو په څیر ډیر سخت غبرګون وښايي. په همدې رڼا کې د ترکیې هلې ځلې دوام لري.
ولسمشر اردوغان د روسیې د بهرنیو چارو وزارت د هغه څرګندونو نه چې د فلسطین په مسئله کې د ملګروملتونو سازمان پر پریکړو او د دوو دولتونو پر حل لارې ټینګار کړی ډیر مهم وباله او وویل چې د فلسطین او بیت المقدس کې په روانو پرمختګونو په اړه ترکیه او روسیه همفکره دي.
ولسمشر اردوغان وویل چې دا ستونزه مخکې ددینه چې لا لویه او ژوره شي د ملګروملتونو سازمان د امینت شورا باید مداخله وکړي او پر فلسطین د اسرائیلو د روانو بریدونو د مخنیوي په خاطر باید غوڅ دریځ خپل کړي او قوي پیغام ورکړي.
ولسمشر اردوغان وویل چې په فلسطین کې د ملکي وګړو نه د دفاع په خاطر سیمه ته د نړۍوالو سوله ساتو ځواکونو د استولو پر فکر هم کار کول مهم دي. پوره باور لري چې ترکیه او روسیه به په ملګروملتونو سازمان کې پدې اړه ګډه همکاري وکړي.
د روسیې ولسمشر ولادیمیر پوتین ولسمشر اردوغان او د ترکیې ملت ته د کوچني اختر د رارسیدو له امله مبارکي وویله او روغتیا، خوښیو او هوساینې هیله يي څرګنده کړه.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
