مولود چاووش اوغلو د امریکا بهرنیو چارو وزیر سره لیده وکړه

د ترکیې د بهرنیو چارو وزیر مولود چاووش اوغلو د امریکا متحده ایالتونو د بهرنیو چارو وزیر انتوني بلنکین سره لیدنه وکړه.

د هیواد د بهرنیو چارو وزیر چې د ناټو سازمان په غونډه کې د ګډون په موخه بروکسل ته سفر کړی هلته د امریکا د بهرنیو چارو وزیر بلنکین سره لیدنه وکړه.

د ویلو ده چې چاووش اوغلو د امریکا د بهرنیو چارو وزیر بلنیکن سره د لومړي ځل لپاره مخامخ لیدنه وکړه.

د ویلو ده چې چاووش اوغلو ددینه مخکې د امریکا د بهرنیو چارو وزیر بلنکین سره ټیلیفوني خبرې کړې وې.

دواړو وزیرانو د دوه اړخیزو اړیکو سربیره د سیمه ایزو مسئلو، ترهګرۍ پر وړاندې مبارزې، اس ۴۰۰ دفاعي توغندیو سیستم، سوریې او ختیځې مدیترانې په مسئلو خبرې او تبادل د نظر وکړ.

د ویلو ده چې د امریکا متحده ایالتونو د بهرنیو چارو وزیر د چاووش اوغلو سره د لیدنې نه مخکې د ناټو سرمنشي سره په ګډه  ناسته کې ویلي وو چې ترکیه د امریکا یو ډیر مهم متفق او متحد هیواد او د ناټو سازمان ډیر مهم غړی دی. د ترکیې سره اړیکې د امریکا لپاره ځانګړی اهمیت لري. همداشان د ترکیې لپاره هم . هغه ویلي وو چې دا حقیقت دی چې د ترکیې سره په ځینو مسئلو کې اختلاف د نظر لرو خو اړیکې مو هم ډیرې ژورې دي.