د ترکیې بهرنیو چارو وزیر د افغانستان د بهرنیو چارو وزیر سره ټیلیفوني خبرې وکړې

د ترکیې د بهرنیو چارو وزیر مولود چاووش اوغلو د افغانستان د بهرنیو چارو وزیر محمد حنیف اتمر سره ټیلیفوني خبرې وکړې.

د ترکیې د بهرنیو چارو وزارت ویلي دي چې د بهرنیو چارو وزیر چاووش اوغلو تیره ورځ د افغانستان د بهرنیو چارو وزیر محمد حنیف اتمر سره د ټیلیفون په کرښه خبرې وکړې.

پدې ټیلیفوني خبرو کې د ترکیې په کوربه توب ترسره کیدونکې د سولې د مذاکراتو په بهیر او غونډې ، دوه اړخیزو اړیکو او د سیمې پر مهمو مسئلو خبرې وشوې.

همداشان چاووش اوغلو د افغانستان د بهرنیو چارو وزیر محمد حنیف اتمر ته د نوي کال او نوروز مبارکي ورکړه .