ولسمشر اردوغان : د سوریې په اړه د ترکیې په سیاستونو کې هیڅ کوم بدلون ندی راغلی
د ترکیې ولسمشر رجب طیب اردوغان وویل په سوریه کې د کورنۍ د جګړې د پیل راهیسې تر ننه پورې ددې هیواد په اړه د ترکیې په سیاست کې کوم تغیر ندی راغلی.
![ولسمشر اردوغان : د سوریې په اړه د ترکیې په سیاستونو کې هیڅ کوم بدلون ندی راغلی](http://cdn.trt.net.tr/images/xlarge/rectangle/d5dc/c4db/bd1c/60439080adff6.jpg?time=1718905527)
ولسمشر اردوغان په سوریه کې د روانې کورنۍ جګړې د لسو کلونو د پوره کیدو له امله د بلامبرګ رسنۍ ته مقاله لیکلې ده. ولسمشر اردوغان پدې مقاله کې ددې خبرې په ټینګار لیکلي دي چې ترک ملت پدې باور دی چې په سوریه کې د روانو ستونزو او اختلافاتو د حل یواځنۍ لار د یو داسې سیاسي سیستم رامنځته کیدل دي چې د سوریې د ټولو وګړو استازیتوب وکړي.د ټولو وګړو د استازیتوب د قابلیت او ظرفیت نه برښمند وي. دا خبره ددې هیواد د سولې او ثبات د ټینګښت یواځنی شرط دی.
همداشان ولسمشر اردودغان ویلي دي چې په سوریه کې د سولې او استقرار د ټینګښت په خاطر باید لویدیځه نړۍ په ډیره صمیمي توګه د ترکیې نه مرسته او ملاتړ وکړي.
ولسمشر اردوغان ویلي دي چې لکه څرنګه چې ګورو پدې وروستیو کې د ډیموکراسۍ، ازادۍ او بشری حقونو مسئلو په اړه بحث او خبرې یو ځل بیا په یو مود بدل شوي دي. خو په سوریه کې د بشري حقونو په اړه اجراعات به زمونږ پدې برخه کې د صمیمیت اندازه ټولو ته ښکاره کړي.
ولسمشر اردوغان اردوغان وویل چې په ډیر افتخار سره وایم چې د سوریې د کورنۍ جګړې د پيل راهیسې تر ننه پورې ددې هیواد په اړه زمونږ په سیاست کې کوم بدلون ندی راغلی. ترکیې تل د سوریې ملي یووالي، مځکنۍ بشپړتیا او ملي حاکمیت ته درناوی کړی دی او د روانې ستونزې د حل په خاطر يي هلې ځلې کړي دي.
ولسمشر اردوغان ویلي دي چې ترکیې لخوا د سوریې د ځايي عناصرو سره په ګډه جوړه شوې خوندي سیمه په راتلوونکې کې د ترکيې او سوریې ترمنځه د قوي اړیکو یوه ښکاره مثال دی.
ولسمشر اردوغان په مقاله کې په لویدیځې نړۍ او په ځانګړې توګه پر امریکا غږ کړی دی چې د پ ک ک ترهګري سازمان د څانګو پر خلاف چې وخت نا وخته پر خوندي سیمو بریدونه کوي لازم اقدامات وکړي.
همداشان ولسمشر اردوغان په امریکا کې د بایدن پر حکومت غږ کړی دی چې په خپلو ژمنو د عمل کولو سره سم په سوریه کې د روانې بشري تراژیدۍ د لمنځه وړو او د دیموکراسۍ نه د دفاع په برخه کې زمونږ سره په ګډه کار وکړي.
ولسمشر اردوغان وویل چې ترکیه ټول هغه پلانونه چې د سوریې د خلکو تر ټولو مهمې او اساسي غوښتنو ته پکې توجه نده شوې هغه په کلکه توګه ردوي.
همداشان لویدیځه نړۍ هم باید ددې ستونزې د حل په خاطر خپل مسئولیت ادا کړي. ولسمشر اردوغان خبرداری ورکړی دی که چیرې لویدیځه نړۍ او په ځانګړې توګه اروپا د ترکیې سره د سوریې دا دروند مسئولیت او بار ونه ویشي اروپا به د هوا د تودیدو سره به د کډوالۍ د سترې څپې سره مخامخ شي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718905528)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718905528)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله