د ترکیې، روسیې او قطر د بهرنیو چارو وزیرانو درې اړخیزه غونډه وکړه
چاووش اوغلو : ترکیه به د سوریې د مځکنۍ بشپړتیا او ملکي وګړو د خوندیتوب نه دفاع او ترهګرو سازمانونو پر خلاف جګړې ته دوام ورکړي
د ترکیې د بهرنیو چارو وزیر مولود چاووش اوغلو وویل چې ترکیه به د سوریې مځکنۍ بشپړتیا نه دفاع ، ملکي وګړو حفاظت او ترهګرو سازمانونو پر خلاف مبارزې او جګړې ته دوام ورکړي.
چاووش اوغلو دا څرګندونې د قطر په پلازمینه دوحه کې د ترکیې- روسیې او قطر د بهرنیو چارو وزیرانو د درې اړخیزې غونډې نه وروسته وکړې. هغه وویل چې په سوریه کې د روانو پیښو او وضعیت په اړه مو د روسیې او قطر سره درې اړخیز مشورتي بهیر پيل کړ.
هغه وویل چې ددې بهیر نه زمونږ هدف به سوریه کې تل پاتې او دوامدارې سولې په خاطر د روانو هلو ځلو سره مرسته ده. هغه وویل پدې اړه مو ډیرې مهمې غونډې وکړې او په سوریه کې د بشري وضعیت په اړه مو خبرې او تبادل د نظر وکړ.
چاووش اوغلو وویل نن ورځ څه باندې ۶ نیم میلیونه تنه سوري وګړي د هیواد نه بهر کډوال شوي دي چې ددوې له جمع نه ۳ عشاریه ۴ میلیونه تنه يي په ترکیه کې میشت دي.
ترکیه به د سوریې مځکنۍ بشپړتیا او د ملکي وګړو خوندیتوب نه دفاع او د ترهګرو سازمانونو پر خلاف مبارزې او جګړې ته دوام ورکړي.
چاووش اوغلو وویل چې په سوریه کې ترهګري سازمانونه د څه باندې لسو کلونو راهیسې د روان وضعیت سوء استعمالولو ته دوام ورکوي. د همدې امله ترکیه به د سوریې د ملي یووالي او مځکنۍ بشړتیا نه ملاتړ ته دوام ورکړي.
هغه وویل چې راتلوونکې غونډه په ترکیه کې د جوړیدو په اړه په تفاهم ورسیدو. زمونږ هدف په سوریه کې تل پاتې سولې ټینګښت دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله