د ترکیې ، ترکمنستان او اذربایجان ترمنځه درې اړخیزه غونډه وشوه
د ترکیې – ترکمنستان او اذربایجان د بهرنیو چارو وزیرانو درې اړخیزه غونډه تیره ورځ په ترکیه کې ترسره شوه.
![د ترکیې ، ترکمنستان او اذربایجان ترمنځه درې اړخیزه غونډه وشوه](http://cdn.trt.net.tr/images/xlarge/rectangle/9d89/9a58/39c6/6035ec31a8233.jpg?time=1718835364)
د ترکیې – ترکمنستان او اذربایجان د بهرنیو چارو وزیرانو پنځمه درې اړخیزه سرمشریزه په ترکیه کې جوړه شوه. د سرمشریزې نه وروسته ګډه اعلامیه خپره شوه.
په خپره شوې ګډه اعلامیه کې د تیرو غونډو د پریکړو په اړه ژمنتیا ښودل شوې ده .
د ویلو ده چې د ترکیې – ترکمنستان او اذربایجان د بهرنیو چارو د وزیرانو د درې اړخیزې غونډو لومړۍ د ۲۰۱۴ کال د مې په په ۲۶ مه نيټه په باکو کې، دویمه غونډه يي د ۲۰۱۵ کال د جنوري په ۲۹ مه په عشق آباد کې ، دریمه يي د ۲۰۱۵ کال د اګست په ۲۸ مه په انتالیا کې، څلورمه د ۲۰۱۷ کال د جولای په ۱۹ مه نیټه باکو او پنځمه دادې د ۲۰۲۱ کال د فبروري په ۲۳ مه نيټه په ترکیه کې ترسره شوه.
پدې غونډه کې په نړۍواله توګه د منل شوو سرحدونو په منځ کې د درې واړو هیوادونو ملي حاکمیت او مځکنۍ بشپړتیا ته د متقابل درناوي او قوي مرستو او ملاتړ په اړه خبرې وکړې.
په اعلامیه کې راغلي دي چې ترکیې – ترکمنستان او اذربایجان پدې غونډه کې د ترهګرۍ، بیلتون غوښتنې، افراطیت او تبیض، تنظیم شوو جرمونو، نشه يي توکو ، وسلو او انسان قاچاق، د کولتوري او تاریخي جرایمو، میراث ، سایبري جرمونو او د ناقانونه کډوالۍ پر خلاف د ګډې مبارزې او همکاریو د لا پیاوړي کولو په مسئلو په هر اړخیزو توګه خبرې وکړې.
په غونډه کې درې واړو هیوادونو ترمنځه د اقتصادي شراکت ترڅنګ د پیاوړې اقتصادي همکاریو پر اهمیت ټینګار شوی دی.
درې واړو هیوادونو د تجاري او اقتصادي همکاریو ، پانګه والۍ او تجارت ته د تشویق، د موجود پوتانشیل نه د پوره استفادې، د ګمرک، انرژۍ، ټرانسپورت، تيلې کمونیکشین، صنایع، علم، تکنالوژۍ، کولتور، ګرځندوی او چاپیریال په اړه د ګډو پروژو او پروګرامونو په برخه کې د همکاریو د لا پیاوړي کولو پریکړه وکړه.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718835365)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718835365)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله