ولسمشر اردوغان د جرمني مسیحیانو دیموکراټ متحد ګوند د نوي مشر سره ټیلیفوني خبرې وکړې

د ترکیې ولسمشر رجب طیب اردوغان د جرمني د شمالي رین وستفالیا د ایالت د لومړي وزیر ارمین لاشیت سره په ټیلفوني خبرو کې هغه ته د مسیحیانو ډیموکراټ متحد ګوند د مشر په توګه د ټاکل کیدو له امله مبارکي وویله.

د ترکیې د ولسمشرۍ ماڼۍ د عامه اړیکو د ریاست د بیان له مخې ولسمشر اردوغان تیره ورځ د جرمني د مسیحیانو ډیموکراټ متحد ګوند د نوي مشر په توګه د ټاکل شوي ارمین لاشیت سره ټیلیفوني خبرې وکړې.

پدې ټیلیفوني خبرو کې ولسمشر اردوغان هغه ته د نوې دندې او مسئولیت له امله د مبارکۍ د ورکولو ترڅنګ د لومړۍ وزیرې انګیلا مرکل سره د تاسیس شوې نږدې همکارۍ ددې سره د دوام هیله څرګنده کړه. ولسمشر اردوغان ددې خبرې په ټینګار وویل چې پوره باور لري د ترکیې او جرمني د اړیکو د ودې او په جرمني کې د ترکي ټولنو په اړه د مثبت لید او دریځ  سره به د دواړو هیوادونو اړیکې لا پسې پياوړې شي.

ولسمشر اردوغان پدې ټيلیفوني خبرو کې د ترکیې او جرمني هراړخیزو او بې سارو اړیکو ته په اشارې سره وویل د ترکیې تر ټولو ستر تجاري شریک هیواد جرمني ډیرې قوي اقتصادي اړیکي لرو او ددې اړیکو د لا پرمختیا ځانګړی اهمیت لري.

ولسمشر اردوغان په جرمني کې میشتو ترکي ټولنو ددې هیواد  د اقتصادي، سیاسي، ټولنیزو او کولتوري برخو سره مرستو ته اشاره وکړه او وویل چې پدې وروستیو کې پدې هیواد کې د ترکي ټولنو او جوماتونو پر خلاف  بریدونو او کرکۍ کچه لوړه شوې  او پوره باور لري چې ددې هیواد  مقامات  ددې بریدونو د مخنیوي په خاطر په لازمو تدابیرو نیولو او فاعلین د قانون منګولو ته د خپل وس او توانه پورې هلې ځلې کوي.

ولسمشر اردوغان ویلي دي هیله لري چې ارمین لاشیت به په راتلونکو دورو کې د ترکیې او اروپايي ټولنې د اړیکو د لا ودې او پرمختیا په برخه کې ډیر مثبت ګامونه اوچت کړي. همداشان د روان کال د سپټمبر په میاشت کې په جرمني کې په ترسره کیدونکو ټاکنو کې ارمین لاشیت ګوند ته د لا زیاتو بریالیتوبونو هیله څرګنده کړه.