د چین نه پیرودول شوي د کرونا ویروس واکسین سبا ترکیې ته راانتقالیږي.
د چین نه پیرودول شوي د کرونا ویروس واکسین سبا ترکیې ته راانتقالیږي.
دا خبره د ترکیې د ملکي هوايي چلند شرکت ترکش ایرلاین وکړه.
د ترکش ایرلاین شرکت لخوا په خپور شوي بیان کې ویل شوي دي چې د چین نه د پیرودل شوي واکسین لومړنی پړاو یعنې ۳ میلیونه دوز واکسین به سبا په بوئینګ ۷۷۷ ډوله الوتکه چې په ټي کا ۶۱۷۵ شمیرې سفر کې د بیجینګ نه استانبول ته راانتقال کړی شي.
په بیان کې راغلي دي چې په واکسین بار الوتکه به سبا د سهار په ۶ بجو او ۱۰ دقیقو په استانبول کې ښکته شي. وروسته به دا واکسین پلازمینې انقرې ته انتقال کړی شي.
د ویلو ده چې ترکیې د چین نه ۵۰ میلیونه دوزه د کرونا ویروس واکسین پیرودلی دی چې د فبروري تر میاشتې به دا واکسین ترکیې ته رانتقال کړی شي.
د ترکیې د روغتیا وزیر فخرالدین کوجا د تیرې یکشنبې په ورځ ویلي وو چې د چین په پلازمینه بیجینګ کې په ګمرک کې د نوي ډول کرونا ویروس د لیدل کیدو نه وروسته ګمرک په موقته توګه خپلې چارې درولي دي. هغه ویلي وو چې د ترکیې واکسین به د یوې یا دوو ورځو په دننه کې هیواد ته راانتقال کړی شي.
همداشان تیره ورځ ولسمشر رجب طیب اردوغان هم د کابینې د غونډې نه وروسته خبري غونډې ته وویل چې د چین نه پیرودل شوی واکسین به د نوي کال نه مخکې هیواد ته راوړل شي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله