رئیس ابراهیم ایرن د اسیا پېسفیک د نشراتي ارګانونو د ټولنې د رئیس په توګه وټاکل شو.
د ترکیې د ملي راډیو تلویزیون عمومي رئیس ابراهیم ایرن د اسیا پېسفیک د نشراتي ارګانونو د ټولنې د رئیس په توګه وټاکل شو.
د اسیا پېسفیک د نشراتي ارګانونو ټولنې په ۵۷ مه عمومي غونډه کې د رئیس د ټاکلو په موخه ټاکنې وکړې.
د اسیا پېسفیک د نشراتي ارګانونو د ټولنې ۵۷ مه عمومي غونډه د ویتنام په پلازمینه هانوې کې جوړه شوې وه. دا غونډه د کرونا ویروس د وبا ناورغۍ له امله په انلاین ډول جوړه شوې وه.
د ترکیې د ملي راډیو تلویزیون رئیس ابراهیم ایرن پدې غونډه کې په انلاین ډول ګډون وکړ.
پدې غونډه کې د نوي رئیس د ټاکلو په خاطر ټاکنې وشوې چې په نتیجه کې د ترکیې ملي راډیو تلویزیون د اسیا پېسفیک د نشراتي ارګانونو د ټولنې د رئیس په توګه وټاکل شو.
ابراهیم ایرن د رایو په اکثریت سره د نوي رئیس په توګه وټاکل شو. د ویلو ده چې د اسیا پیسفیک نشراتي ارګانونو ټولنه د ۷۲ هیوادونو نه ۲۷۱ غړي لري. . ابراهیم د ترکیې د ملي راډیو تلویزیون لومړنی عمومي رئیس دی چې د ۴ کلونو لپاره ددې ټولنې د رئیس په توګه ټاکل کیږي.
د ویلو ده چې د اسیا پېسفیک نشراتي ارګانونو ټولنې د مشرتابه په ټاکنو کې ابراهیم ایرن د رئیس په توګه د ټاکلو په مسئله کې د ترکیې په ملي راډیو تلویزیون کې د هغه د بریالیتوب ګرافیک، د هیواد نه بهر انعکاس کوونکو مهمو فعالیتونو او په لا زیاتو بهرنیو ژبو نشراتو ته ډیر زیات اهمیت ورکولو مسئله په نظر کې نیول شوې ده .
ابراهیم ایرن د اسیا پېسفیک د نشراتي ارګانونو د ټولنې د رئیس په توګه د ټاکل کیدو نه وروسته په خپله وینا کې وویل چې « ددې بریالیتوب اصلي سرچینه د ترکیې قوت او په بهر کې د ترکیې اغیزمنتیا ده. د اسیا پېسیفیک د ټولو غړیو نه پر مونږ د باور کولو له امله ډیره زیاته مننه کوم او ددې په هیله چې ټولو ته د خیر وسیله وګرځي.»
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله