په ترکیه کې په تیرو ۲۴ ساعتونو کې د کرونا ویروس له امله ۱۱۶ تنو ژوند د لاسه ورکړی دی
په ترکیه کې د کرونا ویروس د مثبتو پیښو شمیره د ۴۲۵ زرو نه واوښته
![په ترکیه کې په تیرو ۲۴ ساعتونو کې د کرونا ویروس له امله ۱۱۶ تنو ژوند د لاسه ورکړی دی](http://cdn.trt.net.tr/images/xlarge/rectangle/4014/13d7/f7b4/5fb0db4797d48.jpg?time=1718832635)
په ترکیه کې په تیرو ۲۴ ساعتونو کې د کرونا ویروس له امله ۱۱۶ تنو ژوند د لاسه ورکړ چې پدې ډول د مړو شمیره ۱۱۸۲۰ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۱۵۸ زره او ۸۱۱ تنو د کرونا ویروس شکمنو ناروغانو ته ټسټ شوي چې د ۴۲۱۵ تنو
ټسټونه مثبت راوتلي دي. هغه زیاته کړه چې د نوو شمیرو سره په هیواد کې د کرونا ویروس د مثبتو پيښو شمیره ۴۲۵ زره ۶۲۸ تنو ته لوړه شوې ده .
همداشان په تیرو ۲۴ ساعتونو کې ۲۵۹۲ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۳۶۱ زره او ۶۵۵ ته لوړه شوې ده .
همداشان د ناروغانو د ۳۷۴۲ تنو روغتیايي حالت د نورو په پرتله د اندیښنې وړ دی.
د ترکیې د روغتیا وزیر وویل چې په هیواد کې د کرونا ویروس د ټستونو شمیره ۱۶ میلیونه ۶۲۳ زره او ۴۸۹ ته لوړه شوې ده.
روغتیا وزیر وویل چې د مثبتو پیښو او ځاني تلفاتو شمیرې د راټیټولو یواځنۍ لار د تدابیرو مراعات کول دي. ځکه چې پدې برخه کې ښه خبر د قوي تدابیرو پورې تړلی دی.
د ترکیې ولسمشر رجب طیب اردوغان په مشرۍ کابینې د کرونا ویروس پر خلاف د مبارزې په چوکاټ کې یو زیات شمیر نوي تدابیر اعلان کړل.
د تدابیرو په چوکاټ کې د ۶۵ کلونو نه د لوړ عمر لرونکو او د ۲۰ کلونو نه د کمو عمر لرونکي یواځې د سهار د لسو نه د مازیګر تر ۴ بجو د ګرځیدو حق لري.
همداشان ښوونځي چې یو څه موده مخکې د زده کوونکو پر مخ پرانیستل شوي وو بیرته وتړل شول او درسونه انلاین شول.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718832635)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718832635)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله