ولسمشر اردوغان د ناټو د مشر سره لیدنه وکړه
د ترکیې ولسمشر رجب طیب اردوغان د ناټو سازمان عمومي مشر ینس ستولتنبرګ سره لیدنه وکړه.
![ولسمشر اردوغان د ناټو د مشر سره لیدنه وکړه](http://cdn.trt.net.tr/images/xlarge/rectangle/9131/201d/993f/5a5e34f4b5d97.jpg?time=1719180617)
د ترکیې د ولسمشرۍ ماڼۍ د عامه اړیکو ریاست د بیان په خپرولو سره ویلي دي چې ولسمشر اردوغان تیر ماښام د ناټو د سازمان مشر ینس ستولتنبرګ او ورسره مل هئیت حضور ته قبول کړ.
ولسمشر اردوغان د ناټو د مشر سره پدې لیدنه کې د ترکیې او ناټو پر اړیکو، ختیځې مدیترانې، سوریې، لیبیا او د سیمې پر مهمو پرمختګونو خبرې وکړې.
ولسمشر اردوغان وویل چې د یونان د منفي دریځ او کړنو سره سره په ختیځه مدیترانه کې د ترکیې او یونان د عسکري عناصرو ترمنځه د هر ډول پيښې او حادثې د رامنځته کیدو د مخنیوي په خاطر د ناټو سازمان د هلو ځلو نه ترکیې د پيل نه قوي ملاتړ کړی دی.
ولسمشر اردوغان ددې خبرې په ټینګار وویل چې ترکیه د ټولې سیمې او اروپا د امنیت او استقرار په خاطر په یواځې ځان د کډوالو د بحران پر خلاف مبارزه کوونکی او په لیبیا کې د توان او برقرارۍ او ثبات د ټینګښت په خاطر هڅه کوونکی د ناټو یواځنی غړی هیواد دی. ترکیه هم د خپلو او هم د خپلو متحدینو د ګټو او منافعو په نظر کې نیولو سره چلند کوي چې د نورو متحدینو نه هم د ورته چلند تمه کوي.
ولسمشر اردوغان د قره باغ د روانې ستونزې په اړه وویل چې د ملګروملتونو سازمان د امنیت شورا او اروپا د امنیت او همکاریو د تشکیلاتو د ډلې د پریکړو له مخې ارمنستان د اذربایجان د اشغال کړو سیمو نه باید هر څه ژر او پرته د هر ډول قید او شرط نه ووځي.
همداشان ولسمشر اردوغان د ترهګرۍ پر وړاندې د مبارزې په اړه وویل چې له بده مرغه نن ورځ د ناټو سازمان بعضي غړي هیوادونه پر ځای ددې چې د ترکیې سره د ترهګرۍ پر وړاندې په مبارزه کې اوږه ورکړي د پ ک ک ترهګري سازمان او څانګو سره يي مرسته او همکارۍ ته دوام ورکوي. د فتو ترهګري سازمان منسوبینو ته پناه ورکوي او د هغوې حمایت کوي. دا مسئلې د ناټو سازمان اتفاق ته زیان رسوي .
ولسمشر اردوغان وویل چې د ناټو سازمان غړي او متحد هیوادونه باید د ترکیې سره پوره همکاري او همغږي وکړي.د ناټو سازمان غړي د اتفاق چارې د خطر سره د نه مخامخولو په خاطر باید خپل مسئولیتونه اداء کړي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719180617)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719180617)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله