د ترکیې د ولسمشرۍ ماڼۍ د عامه اړیکو رئیس د امریکا پر خلاف ډیر سخت غبرګون وښود
فخرالدین التون د امریکا پر خلاف سخت غبرګون وښود
د ترکیې د ولسمشرۍ ماڼۍ د عامه اړیکو رئیس فخرالدین التون د ترکیې نه د امریکا متحده ایالتونو د ولسمشرۍ په ټاکنو کې استفاده کولو په اړه ډیر سخت غبرګون وښود.
التون د مسئلې په اړه د ټولنیزې مډیا له لارې په خپور کړي پیغام کې امریکايي سیاستوال صمیمیت او درستوالي ته راوبلل.
هغه ویلي دي چې د ترکیې او امریکا د اړیکو نه د ولسمشرۍ په ټاکنو کې استفاده کول یو ډیر ناخوښی عمل او اقدام دی.
هغه ویلي دي چې « په ځانګړې توګه د ناټو متحد هیوادونه ددې ډول مسئلو نه باید ډډه وکړي. د ترکیې په مقابل کې دا ډول کړنې د ورور هیواد اذربایجان ترڅنګ زمونږ د دریدو مخه نیولی نشي.
پداسې حال کې چې ترکیه هر ګام د نړۍوالو حقوقو سره سم اوچتوي خو بیا هم ځیني امریکايي سیاستوال د ارمني لوبي د ملاتړ د ترلاسه کولو په خاطر د سیمې د تاوتریخوالي نه د ټاکنو د موادو په توګه کار اخلي.
هغه ویلي دي چې ترکیه تل په سیمه کې د سولې او استقرار غوښتونکی دی او د سولې او استقرار غوښتونکي اذربایجان ترڅنګ دریدو ته دوام ورکوي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله