د ترکیې لخوا د ارمنستان پر خلاف سخت غبرګونونه دوام لري

ترکیې د ارمنستان لخوا پر اذربایجان بریدونه په کلکه توګه غندلي‌ دي. د ترکیې لخوا د ارمنستان پر خلاف غبرګونونه دوام لري.

د ترکیې د ملي‌ شورا رئیس مصطفی شنتوب د ټولنیزې مډیا له لارې په خپور کړي‌ پیغام کې ددې خبرې په ټینګار ویلي دي‌ چې ترکیه به د خپل ټول طاقت او قوت سره د اذربایجان ترڅنګ دریدو ته دوام ورکړي.

هغه زیاته کړې ده چې پر ملکي وګړو بریدونو ده ټولو ته وښوده چې ارمنستان یواځې د اذربایجان لپاره نه بلکې د ټولې سیمې د سولې لپاره نه اصلاح کیدونکی یو ترهګری دولت دی او د هر ډول بدو پایلو یواځی لامل دی. ترکیه به د خپل ټول قوت او طاقت سره د اذربایجان ترڅنګ دریدو ته دوام ورکړي.

د ترکیې د ولسمشرۍ ماڼۍ ویاند ابراهیم قالن د ټولنیزې مډیا له لارې په خپور کړي‌ پيغام کې ویلي‌ دي‌ چې ترکیه د ارمنستان لخوا پر اذربایجان ترسره شوي‌ بریدونه په کلکو ټکو غندي.

ارمنستان په اذربایجان کې پر ملکي میشتو سیمو د بریدونو سره یو خل بیا اوربند نه سرغړونه کړې او د سولې او ثبات سره   يي دښمني‌ ټولو ته په ډاګه کړې ده .

ابراهیم قالن په نړۍوالې ټولنې غږ کړی دی چې هر څه ژر د ارمنستان ددې خطر نه ډکو او پارونکو اقداماتو او بریدونو مخه ونیسي.

قالن ویلي‌ دي چې ترکیې ددې منفورو بریدونو په مقابل کې د اذربایجان ترڅنګ دی او اذربایجان یواځې ندی.

همداشان هغه پدې بریدونو کې د وژل شوو اذربایجاني‌ ورورنو ته د الله د دربار څخه د رحمت او مغرت او اذربایجان ملت او حکومت ته د تسلیت مراتب وړاندې کړي‌ دي.

هغه ددې خبرې په ټینګار ویلي‌ دي‌ چې اذربایجان یواځی ندی، ترکیه يي ترڅنګ ولاړ دی. اذربایجان د ترکیې د پوره ملاتړ نه برښمند دی.

د ترکیې د عدالت او پراختیا ګوند ویاند عمر چیلیک هم د ټولنیزې مډیا له لارې په خپور کړي‌ پيغام کې د ارمنستان لخوا پر اذربایجان بریدونه په کلکه توګه غندلي دي.

هغه ویلي دي‌ چې ارمنستان یو ځل بیا حقوق د خپو لاندې کړل او پارونکی اقدامات يي‌ ترلاسه کړل. د ارمنستان اړوند د عام وژنو شبکو ددې بریدونو سره بشري جنایت ترسره کوي. نړۍواله ټولنه باید د ارمنستان پر خلاف غږ اوچت کړي. 

د بله پلوه ارمني ځواکونو په سیمه کې د ترکیې د انادولو او ملي‌ راډیو تلویزیون ټی آر ټي  په خبریالانو هم بریدونه کړي‌ دي.