ولسمشر اردوغان د اروپايي ټولنې د شورا د مشر سره ټیلیفوني خبرې وکړې
د ترکیې ولسمشر رجب طیب اردوغان د اروپايي ټولنې د شورا رئیس چارلس مایکل سره د ټیلیفون په کرښه خبرې وکړې
د ترکیې ولسمشر رجب طیب اردوغان د اروپايي ټولنې د شورا رئیس چارلس مایکل سره د ټیلیفون په کرښه خبرې وکړې.
د ترکیې د ولسمشرۍ ماڼۍ د عامه اړیکو د ریاست د معلوماتو له مخې ولسمشر اردوغان تیره ورځ د اروپايي ټولنې د شورا رئیس چارلس مایکل سره ټیلیفوني خبرې وکړې.
پدې ټیلیفوني خبرو کې د ختیځې مدیترانې په وروستیو پرمختګونو او د ترکیې او اروپايي ټولنې پر اړیکو خبرې وکړې.
ولسمشر اردوغان د اروپآ د شورا د مشر سره پدې ټيلیفوني خبرو کې ددې خبرې په ټینګار وویل چې یونان او بعضې اروپايي ټولنې غړي هیوادونه په ختیځه مدیترانه او ایژې د روانو ستونزو د کچې د لا لوړولو په خاطر هڅې کوي چې اروپايي ټولنه ددوې د مخنیوي په خاطر باید خپل مسئولیت ادا کړي او د هر ډول ستونزو مخه ونیسي. ټولنه باید د حقانیت په چوکاټ کې دا ګام اوچت کړي.
ولسمشر اردوغان وویل چې د اروپايي ټولنې د بعضو هیوادونو د مشرنو پارونکې او لمڅوونکې څرګندونې ددې پیښې د حل پر ځای لا ژوریدو ته لار هواره وي.
د ختیځې مدیترانې په اړه د اروپايي ټولنې سیاستونه او دریځ د نړۍوالو حقوقو او سیمه ایزې سولې په برخه کې د صمیمت امتحان دی.
ولسمشر اردوغان وویل چې مونږ د اروپايی ټولنې د اداراتو مقاماتو او غړیو هیوادونو نه د ختیځې مدیرانې او د سیمې د ټولو مسئلو په اړه د عادلت ، بې طرفه او صمیمت بلنه ورکوو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله