په ترکیه کې په تیرو ۲۴ ساعتونو کې د کرونا ویروس له امله ۵۶ تنو ژوند د لاسه ورکړی دی
په ترکیه کې د کرونا ویروس له امله د مثبتو پیښو شمیره د ۲۷۸ زرو تنو نه واوښته
په ترکیه کې په تیرو ۲۴ ساعتونو کې د کرونا ویروس له امله ۵۶ تنو ژوند د لاسه ورکړ چې پدې ډول د مړو شمیره ۶۶۲۰ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۹۹ زره او ۴۹۷ تنو د کرونا ویروس شکمنو ناروغانو ته ټسټ شوي چې د ۱۶۷۳ تنو ټسټونه مثبت راوتلي دي. هغه زیاته کړه چې د نوو شمیرو سره په هیواد کې د کرونا ویروس د مثبتو پيښو شمیره ۲۷۸ زره ۲۲۸ ته رسیدلې ده.
هغه وویل چې په ۲۴ ساعتونو کې ۹۸۴ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۲۵۰ زره او ۹۲ تنو ته لوړه شوې.
همداشان د ناروغانو د ۱۰۹۱ تنو روغتیايي حالت د نورو په پرتله د اندیښنې وړ دی.
د ترکیې د روغتیا وزیر وویل چې په هیواد کې د کرونا ویروس د ټستونو شمیره ۷ میلیونه ۶۸۲ زره ۶۹۷ ته لوړه شوې ده.
روغتیا وزیر وویل چې د مثبتو پیښو او ځاني تلفاتو شمیرې د راټیټولو یواځنۍ لار د تدابیرو مراعات کول دي. ځکه چې پدې برخه کې ښه خبر د قوي تدابیرو پورې تړلی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
