ولسمشر اردوغان د اګست ۳۰ ستر بري د لمانځو په چوکاټ کې د اتاترک د مزار زیارت وکړ
ولسمشر رجب طیب اردوغان وویل چې ، د ترکیې دا ستر بریالیتوبونه د خپل حق او منافعو نه د دفاع د قوي ارادې ښکارندويي کوي.
ولسمشر اردوغان د ترکیې د استقلال د جګړې د ستر بري د ۹۸ یمې کلیزې د لمانځنې په چوکاټ کې د ټولو دولتي اراکینو سره یو ځای د ترکیې د جمهوریت موسس غازي مصطفی کمال اتاترک د مزار زیارت وکړ.
ولسمشر اردوغان د اتاترک په مزار د ګلانو ګیډۍ د ایښودو او د درناوي د مراسمو د ادا کولو نه وروسته د مزار په ځانګړي کتاب کې لاسلیک وکړ او داسې ولیکل ! عزیز اتاترک ، د ستر بري په ۹۸ یمه کلیزه کې ستاسې ذات عالي او درنو شهیدانو نه یو ځل بیا په ډیر درناوي یادونه کوو او تاسې ته د رحمت او مغفرت غوښتنه کوو. ستاسې لخوا مونږ ته په میراث کې پاتې ترکیې جمهوریت د لا پرمختګ او پیاوړتیا لپاره کار کوو. د جمهوریت سلمې کلیزه یعنې ۲۰۲۳ کال ته د اقتصادي، سیاسي او ډیپلوماتیک پلوه د لا قوي، خپلواکه او مرفه هیواد په توګه داخلیدو ته ژمن او قوي اراده لرو. د سوریې نه تر لیبیا، تورې بحیرې نه تر ختیځې مدیترانې پورې د نړۍ په مختلفو سیمو کې مو ترلاسه کړي بریالیتوبونه زمونږ د هیواد د حق او منافعو نه د دفاع په برخه کې د قوي ارادې لرولو ښکارندويي کوي.
ترکیه به په ځانګړي توګه په مدیترانه کې هیڅډول تهدید، تحمیل او باج غوښتنې ته غاړه کینږدي، د نړۍوالو حقوقو او دوه جانبه تړونونو په نتیجه کې د ترلاسه شوو حقونو نه دفاع کولو ته دوام ورکړو.
روح مو ښاد .
د ویلو ده چې د اګست ۳۰ مه د ترکیې د استقلال د جګړې پر مهال د ستر بري د کلیزې نه په انقره کې د ولسمشرۍ په ماڼۍ کې د څه باندې ۳۰۰ ډرون الوتکو سره یوه ډیره په زړه پورې ننداره جوړه شي.
د ویلو ده چې د اګست د ۳۰ مې د ستر بري د ۹۸ یمې کلیزې د لمانځنې مراسم د ولسمشر رجب طیب اردوغان اردوغان لخوا د اتاترک د مزار انت کبیر د زیارت سره پیل شوي وروسته به د ولسمشرۍ په ماڼۍ کې د ولسمشر اردوغان لخوا د مبارکیو په منلو او وروسته د رسم ګذشت په مراسمو سره به دوام وکړی.
همداشان نن شپه د ماسخوتن په ۸ بجو او ۳۰ دقیقو به د ترکیې د ولسمشرۍ ماڼۍ د ګارد د قومندانۍ او ملي دفاع وزارت د موسیقۍ د ځانګړو ډلو لخوا کنسرت اجراء شي.
همدشان د کنسرت نه وروسته به د ترکیې د ولسمشرۍ ماڼۍ د عامه اړیکو د ریاست لخوا د ۳۰۰ ډرون الوتکو سره ځانګړې ننداره جوړه شي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله