ولسمشر اردوغان د ناټو د سرمنشي سره ټیلیفوني خبرې وکړې
د ترکیې ولسمشر رجب طیب اردوغان د ناټو سازمان د عمومي سکرتر ینس ستولتنبرګ سره ټیلیفوني خبرې وکړې.
د ولسمشرۍ ماڼۍ د عامه اړیکو ریاست د بیان په خپرولو سره ویلي دي چې ولسمشر اردوغان تیره ورځ د ناټو سازمان د عمومي سکرتر ینس ستولتنبرګ سره ټیلیفوني خبرې وکړې.
د بیان له مخې ولسمشر اردوغان د ستولتنبرګ سره د ختیځې مدیترانې پر وروستیو پرمختګونو خبرې وکړې. همداشان ولسمشر اردوغان ستولتنبرګ ته ددې خبرې په ټینګار وویل چې ترکیه د خپل حق او منافعو نه تل په هر ځای کې چي وي دفاع کولو ته دوام ورکوي.
ولسمشر اردوغان وویل چې ترکیه په ختیځه مدیترانه کې د ټولو هیوادونو په ګټه د عادلانه حل لارې او د سالمو او روغو مذاکراتو نه ملاتړ کوي.
همداشان د نړۍوالو حقوقو د خپو لاندې کوونکو او د سیمې سولې او استقرار ته ضرر رسوونکو یوه پلوه ګامونو په مقابل کې ناټو سازمان باید خپل مسئولیت پر ځای کړي.
اړوند خبرونه
تورکیې وویل چې د اسرائیلو لخوا پر لبنان برید کول په ټوله سیمه کې د ګډوډۍ د هڅو لپاره یو نوی پړاو دی.
د تورکیې د بهرنیو چارو وزارت په لبنان باندې د اسرائیلو د بریدونو او تاوتریخوالی په اړه بیان خپور کړ.
