په ترکیه کې په تیرو ۲۴ ساعتونو کې د کرونا ویروس له امله ۲۳ تنو ژوند د لاسه ورکړی
په ترکیه کې د کرونا ویروس د مثبتو پیښو شمیره د ۲۵۳ زرو نه واوښته
په ترکیه کې په تیرو ۲۴ ساعتونو کې د کرونا ویروس له امله ۲۳ تنو ژوند د لاسه ورکړ چې پدې ډول د مړو شمیره ۶۰۳۹ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۸۷ زره او ۲۲۳ تنو د کرونا ویروس شکمنو ناروغانو ته ټسټ شوي چې د ۱۳۰۳ تنو ټسټونه مثبت راوتلي دي. هغه زیاته کړه چې د نوو شمیرو سره په هیواد کې د کرونا ویروس د مثبتو پيښو شمیره ۲۵۳ زره او ۱۰۸ ته رسیدلې ده.
هغه وویل چې په ۲۴ ساعتونو کې ۱۰۰۲ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۲۳۳ زره او ۹۱۵ تنو ته لوړه شوې.
همداشان د ناروغانو د ۷۱۹ تنو روغتیايي حالت د نورو په پرتله د اندیښنې وړ دی.
د ترکیې د روغتیا وزیر وویل چې په هیواد کې د کرونا ویروس د ټستونو شمیره پنځه میلیونه ۹۶۹ زره ۶۲۹ ته لوړه شوې ده.
هغه وویل چې په هیواد کې د لومړي ځل لپاره په ۲۴ ساعتونو کې څه باندې ۸۷ زرو تنو ته د کرونا ټسټ شوی دی. د کرونا نني ارقام په اصل کې د لسو ورځو مخکې د تدابیرو نه مراعات کولو نتیجه ده. که چیرې د تدابیرو په مراعات کولو کې قوي اراده وښایو د ویروس د خپریدو مخه به په لویه کچه ونیول شي.
روغتیا وزیر وویل چې د مثبتو پیښو د شمیرې د راټیټولو یواځنۍ لار د تدابیرو مراعات کول دي. ځکه چې پدې برخه کې ښه خبر د قوي تدابیرو پورې تړلی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله