په ترکیه کې په تیرو ۲۴ ساعتونو کې د کرونا ویروس له امله ۱۸ تنو ژوند د لاسه ورکړی
په ترکیه کې د کورنا ویروس د مثبتو پيښو شمیره د ۲۴۴ زرو نه واوښته
په ترکیه کې په تیرو ۲۴ ساعتونو کې د کرونا ویروس له امله ۱۸ تنو ژوند د لاسه ورکړ چې پدې ډول د مړو شمیره ۵۸۹۱ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۶۷ زره او ۲۳۷ تنو د کرونا ویروس شکمنو ناروغانو ته ټسټ شوي چې د ۱۲۱۲ تنو ټسټونه مثبت راوتلي دي. هغه زیاته کړه چې د نوو شمیرو سره په هیواد کې د کرونا ویروس د مثبتو پيښو شمیره ۲۴۴ زره او ۳۹۲ ته رسیدلې ده.
هغه وویل چې په ۲۴ ساعتونو کې ۹۳۴ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۲۲۷ زره او ۸۹ تنو ته لوړه شوې.
همداشان د ناروغانو د ۶۳۲ تنو روغتیايي حالت د نورو په پرتله د اندیښنې وړ دی.
د ترکیې د روغتیا وزیر وویل چې په هیواد کې د کرونا ویروس د ټستونو شمیره پنځه میلیونه ۴۵۴ زره ۹۸۸ ته لوړه شوې ده.
د ترکیې د روغتیا وزیر ویلي دي چې د روان کال د مارچ د میاشتې د دویمې نیټې نه په اعتبار سره په هیواد کې د لومړي ځل لپاره پدې لوړه کچه ټسټونه کیږي. هغه وویل چې په هیواد کې د هغه ناروغانو چې روغتیايي حالت يي خراب دی شمیره مخ په لوړیدو ده.
روغتیا وزیر وویل چې د مثبتو پیښو د شمیرې د راټیټولو یواځنۍ لار د تدابیرو مراعات کول دي. ځکه چې پدې برخه کې ښه خبر د قوي تدابیرو پورې تړلی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
