په ترکیه کې په تیرو ۲۴ ساعتونو کې د کرونا ویروس له امله ۱۵ تنو ژوند د لاسه ورکړی
په ترکیه کې د کرونا ویووس د مثبتو پيښو شمیره د ۲۳۸ زرو نه لوړه شوه
په ترکیه کې په تیرو ۲۴ ساعتونو کې د کرونا ویروس له امله ۱۵ تنو ژوند د لاسه ورکړ چې پدې ډول د مړو شمیره ۵۸۱۳ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۵۶ زره او ۷۲۶ تنو د کرونا ویروس شکمنو ناروغانو ته ټسټ شوي چې د ۱۱۸۵ تنو ټسټونه مثبت راوتلي دي. هغه زیاته کړه چې د نوو شمیرو سره په هیواد کې د کرونا ویروس د مثبتو پيښو شمیره ۲۳۸ زره او ۴۵۰ ته رسیدلې ده.
هغه وویل چې په ۲۴ ساعتونو کې ۱۰۲۸ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۲۲۱ زره او ۵۷۴ تنو ته لوړه شوې.
همداشان د ناروغانو د ۵۸۶ تنو روغتیايي حالت د نورو په پرتله د اندیښنې وړ دی.
د ترکیې د روغتیا وزیر وویل چې په هیواد کې د کرونا ویروس د ټستونو شمیره پنځه میلیونه ۱۳۸ زره ۵۲۸ ته لوړه شوې ده.
روغتیا وزیر د تیرو څو ورځو راهیسې د مثبتو پيښو شمیره مخ په لوړیدو ده. همداشان د روغو شوو ناروغانو شمیره هم د نوو مثبتو پیښو په پرتله کمه ده. د ټسټونو شمیره مخ په لوړیدو ده. هغه وویل چې د مثبتو پیښو د شمیرې د راټیټولو یواځنۍ لار د تدابیرو مراعات کول دي. ځکه چې پدې برخه کې ښه خبر د قوي تدابیرو پورې تړلی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
