ولسمشر اردوغان : د ایا صوفیه جومات پرانیستو زمونږ اختر خوښي دوه برابره کړه

ولسمشر او د عدالت او پراختیا ګوند عمومي‌ رئیس رجب طیب اردوغان د ویدیو کنفرانس له لارې د خپل ګوند د غړیو سره اختر مبارکي وکړه.

ولسمشر اردوغان دلته په خپله وینا کې وویل چې په هغه ناندریو او لفظي شخړو کې چې د هیواد او ملت په ضرر وي هیڅوخت ګډون برخه وانخلي.

ولسمشر اردوغان وویل چې غواړي‌ د ګوند ستره کانګره   د هیواد د لا په قوي‌ توګه په خپو دریدو، نوي‌ قیام او نوي‌ پرمختګ په برخه کې  یو نوی پيل وي.

همداشان ولسمشر اردوغان د ایا صوفیه تاریخي جومات له سره د عبادت پر مخ د پرانیستو مسئلې ته په اشارې سره وویل چې د ایا صوفیه جومات له سره د عبادت پر مخ پرانیستو په اصل کې زمونږ د اختر خوښي دوه برابره کړه.

هغه وویل چې زمونږ د ملت په زړه کې ۸۶ کلن داغ او ټپ د جولای په ۲۴ مه نیټه د ایا صوفیه جومات د عبادت پر مخ د پرانیستو سره تداوي شو او زمونږ د اختر خوښي دوه برابره کړه.