حامي اقسوی : هیڅ دولت ترکیې محاکمو په بهیر کې د مداخلې حق نلري
د نړۍ هیڅ کوم دولت د ترکیې د محاکمو په بهیر کې د مداخلې او ترکيې ته امر ورکولای نشي. دا خبره د ترکیې د بهرنیو چارو د وزارت ویاند کړې ده .
![حامي اقسوی : هیڅ دولت ترکیې محاکمو په بهیر کې د مداخلې حق نلري](http://cdn.trt.net.tr/images/xlarge/rectangle/f86a/650f/535e/5d0f224e53c40.jpg?time=1719034049)
د ترکیې د بهرنیو چارو وزارت ویاند حامي اقسوی د بیان په خپرولو سره د امریکا متحده ایالتونو د بهرنیو چارو وزارت لخوا د زنداني عثمان قاوالا د هر څه ژر خوشې کولو د غوښتنې په اړه ډیر سخت غبرګون ښودلی دی.
ویاند ویلي دي چې د امریکا د بهرنیو چارو وزارت دا غوښتنه د حقوقو د دولت د اساساتو سره په ټکر کې ده.
په بیان کې راغلي دي چې د عثمان قاوالا د محاکمې بهیر دوام لري. د خپلواکه او مستقلو محکمو لخوا روان پدې بهیر کې هیڅوک د مداخلې حق نلري او هر سړی باید ورته درناوی وکړي. په بیان کې راغلي دي چې د یاد شوي کس په اړه د روان کال د فبروري په میاشت کې محاکمې د برائت پریکړه وکړه خو د ترلاسه شوو نوو دلایلو په چوکاټ کې هغه دم ګړۍ د یوې بلې قضيې له امله زنداني دی.
ویاند د امریکا د بهرنیو چارو د وزارت د څرګندونو ته د متناقضو څرګندونو په توګه یادونه کړې ده او ویلي دي " کله چې ترکیه د فتح الله ګولن ترهګري سازمان د مشر چې په امریکا کې اوسیږي د اعادې او ترکیې ته د سپارولو یادونه وکړي هغوې سمدلاسه حقوق بهانه کړي. همداشان د ترکیې د خلق بانک پخوانی رئیس حاکان اتیلا په امریکا کې پرته د محکمې د کومې پریکړې او محاکمې نه د میاشتو میاشتو لپاره په زندان کې وساتل شو. بیا څه ډول کیدای شي چې د یو تن چې په ترکیه کې د محاکمې بهیر دوام لري او زنداني دی د هغه د خوشې کولو غوښتنه کوي. "
ویاند زیاته کړې ده چې ترکیه د حقوقو دولت دی. هیڅ دولت او هیڅوک د ترکیې د محاکمو په چارو کې د مداخلې او امر ورکولو صلاحیت نلري.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719034049)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719034049)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله