ترکیې - روسیې او ایران ولسمشرانو د سوریې په اړه غونډه وکړه
د ترکیې - روسیې او ایران ترمنځه د استانې بهیر د دوام په ترڅ کې شپږمه درې اړخیزه غونډه وشوه
![ترکیې - روسیې او ایران ولسمشرانو د سوریې په اړه غونډه وکړه](http://cdn.trt.net.tr/images/xlarge/rectangle/695d/3519/d954/5efc8acecba25.jpg?time=1718830423)
![erdogan uclu zirve.jpg](http://cdn.trt.net.tr/images/xlarge/rectangle/dffd/43a2/b08e/5efc950c8627a.jpg?time=1718830423)
![erdoğan.jpg](http://cdn.trt.net.tr/images/xlarge/rectangle/c207/f7ca/2360/5efc790ab5e18.jpg?time=1718830423)
د ترکیې ولسمشر رجب طیب اردوغان وویل چې سوریې مځکنۍ بشپړتیا نه دفاع د ترکیې د چارو په لومړیتوب کې ځای لري.
د ترکیې – روسیې او ایران ترمنځه درې اړخیزه کنفرانس د ویدیو کنفرانس له لارې ترسره شو.
د سوریې په اړه د استانې د کنفرانسونو په دوام د شپږم ځل لپاره د ترکیې – ایران او روسیې ترمنځه کنفرانس داځل د ویدیو کنفرانس له لارې جوړ شو.
پدې کنفرانس کې د ترکیې ولسمشر رجب طیب اردوغان، د روسیې ولسمشر ولادیمیر پوتین او د ایران ولسمشر حسن روحاني ګډون کړی دی.
د ترکیې ولسمشر اردوغان کنفرانس ته په خپله وینا وکې وویل چې " په ګاونډي هیواد سوریه کې هر څه ژر د سولې او استقرار د ټینګښت په خاطر د هیڅډول فداکارۍ نه ډډه نه کوو. د خپل وس او توانه پورې کار کوو. د ترکیې په توګه پدې هیواد کې د اختلافاتو د پیل راهیسې مونږ د خپلو سوري ورونو ترڅنګ دریدلي یو. مونږ په سوریه کې د هر ډول قومي ، نژادي، دیني ، مذهبي ، ژبنیز او رنګ توپیر نه پرته ټولو سوري کډوالو ته غیږ پرانیسته او هغوې ته مو پناه ورکړه.
ترکیې د ترهګرو سازمانونو لخوا ددې هیواد د پارچه پارچه کولو د مخنیوي په خاطر د خپل وس او توانه پورې هڅه کړې ده .
ولسمشر اردوغان وویل چې " د اړتیا په صورت کې مو د فعلي مداخلې سره د انساني تراژیدۍ او ترهګرو د اعمالو مخنیوی کړی دی.
په سوریه کې سیاسي یووالی او مځکنۍ بشپړتیا نه دفاع، د استقرار ټینګښت او روانو مخالفتونو ته د تل پاتې حل لارې موندل زمونږ په لومړیتوبونو کې ځای لري. "
د استانې د بهیر د ضمانت کوونکي هیواد په توګه زمونږ همکاري پرته د شکه چې ددې هیواد د برښلیک په معلومولو کې به ډیره مرسته وکړي.
همداشان د روسیې ولسمشر ولادیمیر پوتین بیا وویل چې په سوریه کې د ترهګرو ډلو له منځه وړل زمونږ د چارو په لومړیتوب کې قرار لري.
مشرانو په ګاونډي هیوادونو کې ملي امنیت ته مخامخو هر ډول ګواښونو پر خلاف په ګډه د دریدو په اړه توافق وکړ.
د ویلو ده چې پدې غونډه کې په ادلب کې د تاوتریخوالي د امن سیمې په وروستي وضعیت خبرې وکړې او ددې خبرې په ټینګار وویل چې د ادلب اړوند د تړونونو د عملي کیدو سره به په سیمه کې استقرار ټینګ شي.
همداشان په سوریه کې روان اختلافات پخپله د سوریې د خلکو په مشرۍ او د ملګروملتونو سازمان په لار ښوونه د سیاسي حل لارې سره په حلولو ټینګار وشو.
همداشان درې واړو مشرانو د سوري کډوالو، سوري کډوالو ته خپل کور او کلو ته د ستنیدو په خاطر د لازمو اسانیتاوو په برابرولو او د ستنیدونکو کډوالو د ځان او مال نه د دفاع په مسئلې ټینګار وکړ.
د ترکیې ، روسیې او ایران ولسمشرانو د اقتصادي اړیکو په پياوړتیا او همکارۍ هم خبرې وکړې. همداشان د ایران د ولسمشر په غوښتنه راتلونکې درې اړخیزه غونډه په ایران کې د ترسره کیدو په مسئلې تفاهم وشو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718830424)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718830424)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله