ترکیې وسله والو ځواکونو د هیواد د پولو نه پورې غارې ته د پ ک ک پر خلاف پلي عملیات پيل کړل
ترکیې د عراق په شمال کې د پ ک ک ترهګري سازمان پر خلاف پراخه پلي عملیات پيل کړل
ترکیې وسله والو ځواکونو داځل د ترهګرو پر خلاف د پړانګ پنجې په نامه پوځي عملیات پيل کړل.
د ترکیې پلي ځواکونو د عراق په شمال کې د پ ک ک ترهګري پر خلاف پلي عملیات پيل کړل.
د ترکیې د ملي دفاع وزارت د عراق په شمال کې د پ ک ک ترهګري سازمان پر خلاف پلو عملیاتو د پيلولو نه خبر ورکړ.
ملي دفاع وزارت " زمونږ اتل کوماندو ځواکونه په حفتا کې دي " د څرګندونو سره دا عملیات رسمآ اعلان کړل.
ملي دفاع وزارت وویل چې زمونږ پلي ځواکونه د عراق په شمال کې د هوايي ځواکونو، اټاک جنګي چورلکو، بې پیلوټه الوتکو، په وسلو سمبال بې پیلوټه الوتکو او هجوم هوايي ځواکونو پر ملاتړ د عراق شمال ته رسیدلي دي.
د ترکیې د ملي دفاع وزارت وویل چې پدې وروستیو کې زمونږ د وسله والو ځواکونو په امنیتي پوستو او پوځي هډو د بریدونو د کچې د لوړیدو له امله د پ ک ک او نورو ترهګرو سازمانونو پر خلاف دا عملیات د نړۍوالو حقوقو او مشروع مدافع حقونو په چوکاټ کې ترسره کیږي.
د عملیاتو په چوکاټ کې لومړی تثبیت شوي سیمې د ځايي توپان توپخانې د بریدونو لاندې ونیول شوې. څه باندې ۱۵۱ هدفونه په بریالي توګه له منځه یوړل شول. وروسته پلو ځواکونو په سیمه کې پر عملیاتو پيل وکړ.
د ترکیې ملي دفاع وزارت د عراق په شمال کې د پ ک ک او نورو ترهګرو سازمانونو پر خلاف پلي عملیات د تیرې شپې په نیمايي کې رسمآ پیل کړل.
د ویلو ده چې ترکیې د تیرې اونۍ په وروستیو کې د عراق په شمال کې د پ ک ک ترهګري سازمان پر خلاف د عقاب پنجې په نامه هوايي عملیات ترسره کړي وو چې ددې عملیاتو په ترڅ کې د پ ک ک ترهګري سازمان ۸۱ هدفونه له منځه وړي وو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
