په ترکیه کې په تیرو ۲۴ ساعتونو کې د کرونا ویروس له امله ۲۳ تنو ژوند د لاسه ورکړی دی
په ترکیه کې د کرونا ویروس له امله د مثبتو پيښو شمیره د ۱۷۰ زرو تنو نه واوښتته
په ترکیه کې په تیرو ۲۴ ساعتونو کې د کرونا ویروس له امله ۲۳ تنو ژوند د لاسه ورکړ چې پدې ډول د مړو شمیره ۴۶۹۲ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۳۵ زره او ۳۳۵ تنو شکمنو کسانو ته د کرونا ویروس ټسټ شوی چې په ۹۱۴ تنو کې د کرونا ویروس تشخیص شوی دی. هغه زیاته کړه چې په هیواد کې د مثبتو پيښو شمیره ۱۷۰ زره ۱۳۲ ته رسیدلې ده.
هغه وویل چې په ۲۴ ساعتونو کې ۲۶۴۷ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۱۳۷۹۶۹ تنو ته لوړه شوې.
همداشان د ناروغانو نه ۶۱۳ د بیړني مراقبت لاندې قرار لري او ۲۷۴ تنو ته د مصنوعي تنفس ماشینونه لګول شوي دي.
د ترکیې د روغتیا وزیر وویل چې په هیواد کې د کرونا ویروس د ټستونو شمیره دوه میلیونه ۳۳۸ زره ۵۹۳ ته لوړه شوې ده.
د ترکیې د روغتیا وزیر د تولنیزې مډیا له لارې په خپور کړي پیغام کې د هیوادوالو نه د تدابیرو د مراعات کولو غوښتنه کړې ده.
هغه ویلي دي چې په ساحه کې په دنده بوختو روغتیايي ډلو د معلوماتو له مخې په یو ولایت کې په ۱۹۰ تنو کې چې د ناروغانو پوښتنې ته تللي وو د کرونا ویروس تثبت شوی دی. همداشان په بل ولایت کې په ۵۸ تنو کې د عسکرۍ ته د ځوانانو د استولو په خاطر په جوړو شوو مراسمو کې ګډون کړی وو د کرونا ویروس تثبت شوی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
