په ترکیه کې په تیرو ۲۴ ساعتونو کې د کرونا ویروس له امله ۲۷ تنو ژوند د لاسه ورکړی
په ترکیه کې په تیرو ۲۴ ساعتونو کې د کرونا ویروس له امله ۲۷ تنو ژوند د لاسه ورکړ چې پدې ډول د مړو شمیره ۴۲۴۹ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۳۳ زره او۶۳۳ تنو شکمنو کسانو ته د کرونا ویروس ټسټ شوی چې په ۹۶۱ تنو کې د کرونا ویروس تشخیص شوی دی. هغه زیاته کړه چې په هیواد کې د مثبتو پيښو شمیره ۱۵۳ زره او ۵۴۸ ته رسیدلې ده.
هغه وویل چې په ۲۴ ساعتونو کې ۱۰۰۳ تنه په کرونا ویروس اخته ناروغان ښه شوي او د روغتون نه خارج شوي دي چې پدې ډول د روغو شوو کسانو شمیره ۱۱۴۹۹۰ تنو ته لوړه شوې.
همداشان د ناروغانو نه ۸۲۰ د بیړني مراقبت لاندې قرار لري او ۴۲۴ تنو ته د مصنوعي تنفس ماشینونه لګول شوي دي.
د ترکیې د روغتیا وزیر وویل چې په هیواد کې د کرونا ویروس د ټستونو شمیره یو میلیون ۷۲۹زره او ۹۸۸ ته لوړه شوې ده.
د ترکیې د روغتیا وزیر وویل چۍ په هیواد کې د مثبتو پيښو شمیره د زرو نه د راټیټیدو سره دا ناروغۍ تر کنټرول لاندې راغلې ده.
هغه وویل چې د کرونا ویروس له امله د ځاني تلفاتو شمیره هم د پام وړ راټیټه شوې ده .
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
