په ترکیه کې په تیرو ۲۴ ساعتونو کې د کرونا ویروس له امله ۶۴ تنو ژوند د لاسه ورکړی
په ترکیه کې د کرونا ویروس د مثبتو پيښو شمیره ۱۳۱ زرو نه واوښته
په ترکیه کې په تیرو ۲۴ ساعتونو کې د کرونا ویروس له امله ۶۴ تنو ژوند د لاسه ورکړ چې پدې ډول د مړو شمیره ۳۵۸۴ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۳۰ زره او۳۰۳ تنو شکمنو کسانو ته د کرونا ویروس ټسټ شوی چې په ۲۲۵۳ تنو کې د کرونا ویروس تشخیص شوی دی. هغه زیاته کړه چې په هیواد کې د مثبتو پيښو شمیره ۱۳۱ زره او ۷۴۴ ته رسیدلې ده.
هغه وویل چې په ۲۴ ساعتونو کې ۴۹۱۷ تنه په کرونا ویروس اخته ناروغان ښه شوي او د روغتون نه خارج شوي دي چې پدې ډول د روغو شوو کسانو شمیره ۷۸۲۰۲ تنو ته لوړه شوې.
همداشان د ناروغانو نه ۱۲۷۸ د بیړني مراقبت لاندې قرار لري او ۶۶۹ تنو ته د مصنوعي تنفس ماشینونه لګول شوي دي.
د ترکیې د روغتیا وزیر وویل چې په هیواد کې د کرونا ویروس د ټستونو شمیره یو میلیون ۲۳۴زره او ۷۲۴ ته لوړه شوې ده.
د روغتیا وزیر وویل چې د تیرو څو ورځو راهیسې د ځاني تلفاتو شمیره ۵۰ سلنه راټیټه شوې ده چې دا د خوښۍ خبره ده.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله