په ترکیه کې د کرونا ویروس له امله په تیرو ۲۴ ساعتونو کې ۶۴ تنو ژوند د لاسه ورکړی
په ترکیه کې د کرونا ویروس د مثبتو پیښو شمیره د ۱۲۷ زرو نه لوړه شوه
په ترکیه کې په تیرو ۲۴ ساعتونو کې د کرونا ویروس له امله ۶۴ تنو ژوند د لاسه ورکړ چې پدې ډول د مړو شمیره ۳۴۶۱ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۳۵ زره او۷۷۱ تنو شکمنو کسانو ته د کرونا ویروس ټسټ شوی چې په ۱۶۱۴ تنو کې د کرونا ویروس تشخیص شوی دی. هغه زیاته کړه چې په هیواد کې د مثبتو پيښو شمیره ۱۲۷ زره او ۶۵۹ ته رسیدلې ده.
هغه وویل چې په ۲۴ ساعتونو کې ۵۰۱۵ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۶۸۱۶۶ تنو ته لوړه شوې.
همداشان د ناروغانو نه ۱۳۸۴ د بیړني مراقبت لاندې قرار لري او ۷۲۷ تنو ته د مصنوعي تنفس ماشینونه لګول شوي دي.
د ترکیې د روغتیا وزیر وویل چې په هیواد کې د کرونا ویروس د ټستونو شمیره یو میلیون ۱۷۱زره۱۳۸ ته لوړه شوې ده.
د ترکیې د روغتیا وزیر وویل چې چې په تیرو ۲۴ ساعتونو کې د روغو شوو کسانو شمیره په ویروس د اخته شوو کسانو نه درې برابرو ته لوړه شوې ده چې دا د خوښۍ خبره ده.
هغه وویل چې د بیړني مراقبت لاندې د ناروغانو شمیره مخ په کمیدو ده. همداشان د هغه ناروغانو چې مصنوعي تنفس ماشینونه ورته لګول شوي دي شمیرهم د پام وړ راټیټه شوې ده.
هغه وویل چې په ترکیه کې د کرونا ویروس مثبتې پیښې لوړې کچې ته د رسیدو نه وروسته اوس مخ په راټیټیدو دي. په هیواد کې کرونا ویروس د کنټرول لاندې راغلی دی .
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله