په ترکیه کې د کرونا ویروس له امله د مړو مجموعي شمیره ۳۱۷۴ تنو ته لوړه شوه
په ترکیه کې د کرونا ویروس مثبتو پيښو شمیره د ۱۲۰ زرو نه واوښته
![په ترکیه کې د کرونا ویروس له امله د مړو مجموعي شمیره ۳۱۷۴ تنو ته لوړه شوه](http://cdn.trt.net.tr/images/xlarge/rectangle/f5a4/ce5c/685b/5eaae7d6c2537.jpg?time=1718859448)
په ترکیه کې په تیرو ۲۴ ساعتونو کې د کرونا ویروس له امله ۹۳ تنو ژوند د لاسه ورکړ چې پدې ډول د مړو شمیره ۳۱۷۴ تنو ته لوړه شوه.
د ترکیې د روغتیا وزیر فخرالدین کوجا وویل چې په تیرو ۲۴ ساعتونو کې په هیواد کې ۴۲ زره او ۴ تنو شکمنو کسانو ته د کرونا ویروس ټسټ شوی چې په ۲۶۱۵ تنو کې د کرونا ویروس تشخیص شوی دی. هغه زیاته کړه چې په هیواد کې د مثبتو پيښو شمیره ۱۲۰ زره ۲۰۴ ته رسیدلې ده.
هغه وویل چې په ۲۴ ساعتونو کې ۴۸۴۶ تنه په کرونا ویروس اخته ناروغان ښه شوي او د روغتون ته خارج شوي دي چې پدې ډول د روغو شوو کسانو شمیره ۴۸۸۸۶ تنو ته لوړه شوې.
همداشان د ناروغانو نه ۱۵۱۴ د بیړني مراقبت لاندې قرار لري او ۸۰۳ تنو ته د مصنوعي تنفس ماشینونه لګول شوي دي.
د ترکیې د روغتیا وزیر وویل چې په هیواد کې د کرونا ویروس د مثبتو واقعو شمیره د هرې ورځې په تیریدو سره مخ په ټیټیدو ده خو ددې سره سره بیا هیوادوال تدابیر مراعات کړي او ټولنیز واټن ته ډیره پاملرنه وکړي.
د ترکیې د روغتیا وزیر وویل چې چې په تیرو ۲۴ ساعتونو کې د روغو شوو کسانو شمیره په ویروس د اخته شوو کسانو نه دوه برابرو ته لوړه شوې ده چې دا د خوښۍ خبره ده.
هغه وویل چې د بیړني مراقبت لاندې د ناروغانو شمیره مخ په کمیدو ده. همداشان د هغه ناروغانو چې مصنوعي تنفس ماشینونه ورته لګول شوي دي شمیرهم د پام وړ راټیټه شوې ده.
هغه وویل چې په ترکیه کې د کرونا ویروس مثبتې پیښې لوړې کچې ته د رسیدو نه وروسته اوس مخ په راټیټیدو دي. په هیواد کې کرونا ویروس د کنټرول لاندې راغلی دی .
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718859448)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718859448)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله