ترکیې په سوریه کې دا ځل د سپرلي ډال په نامه نوي پوځي عملیات پیل کړل.
ترکیې د اسد رژیم ته ډير سخت ګوزار ورکړ
د ترکیې د بهرنیو چارو وزیر مولود چاوش اوغلو وویل چې د ترکیې بیرغ ته رااوږده شوي لاسونه به د سپرلي ډال په نامه د پوځي عملیات سره مات کړو.
هغه د خپل ټویټر پاڼې له لارې په کړو څرګندونو کې ویلي دي چې د سوریې په ادلب سیمه کې د جګړې د مخنیوي او تاوتریخوالي د کچې د راټیټولو په موخه په میشتو ترکي ځواکونو د فبروري په ۲۷ مه نيټه د اسد ځواکونو لخوا هوايي برید وشو چې ددې برید په ځواب کې ترکیې پرون په سوریه کې د سپرلي ډال په نامه نوي پوځي عملیات رسمآ پیل کړل.
هغه ویلي دي چې " د فرات ډال، زیتون څانګې او سولې چینې د عملیاتو نه وروسته دادې اوس د سپرلي ډال پوځي عملیاتو سره به زمونږ بیرغ ته رااوږده شوي لاسونه مات کړو. الله تبارک و تعالی دی زمونږ د بیرغ په خاطر مبارزه کوونکو د ترکیې اتلانو حفاظت وکړي."
د یادولو وړ ده چې تیره ورځ د پیل شوو سپرلي ډال د عملیاتو په لومړنۍ ورځ د اسد رژیم ته ډیر ستر ګوزار ورکړ. د تیرې ورځې په عملیاتو کې د اسد د رژیم دوه هوايي ډګرونه او زیات شمیر دافع هوا سیستمونه او ټانکونه له منځه یوړل شول.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله