د ولسمشر اردوغان لخوا سوریې رژیم ته سخت خبرداری
د ترکیې ولسمشر رجب طیب اردوغان وویل په کوم ځای کې چې د ترکي سرتیرو وینې تويې شي هلته هیڅ شی د پخوا په څیر نه پاتې کیږي.
![د ولسمشر اردوغان لخوا سوریې رژیم ته سخت خبرداری](http://cdn.trt.net.tr/images/xlarge/rectangle/d5ec/8b2f/a6b3/5e3a95576ae6e.jpg?time=1718937436)
ولسمشر اردوغان دا څرګندونې نن په ملي شورا کې د عدالت او پراختیا ګوند اونیزې غونډې ته وکړې.
ولسمشر اردوغان په خپله وینا کې د فبروري په دریمه نیټه د اسد ځواکونو په برید کې د ۷ تنو ترکي سرتیرو او یو تن ملکي پرسونل د شهادت نه په یادونې سره وویل چې
" په سوریه کې په تړونونو او هوکړو عمل نه کیږي. وړمه ورځ په ترکي ځواکونو ترسره شوی برید د ترکیې له پلوه په سوریه کې د نوي پیل میلاد دی. هر چیرې چې د ترکي سرتیرو وینه تویه شي هلته هیڅ شی د پخوا په څیر نه پاتې کیږي. ترکیه چې هر څه کوي هغه یو تن معصوم بې ګناه انسان ځان او مال ته د زیان اوښتو نه پرته ترسره کوي. دا د ترکیې پرنسیب دی."
زمونږ مدنیت، کولتور او میراث مونږ ته ښودلې لار د ظالم په مقابل کې د مظلوم تر څنګ دریدل او د ظالم ځپول دي.
ولسمشر اردوغان وویل چې د ترکیې وسله وال ځواکونه د اړتیا په صورت کې د مځکنیو او هوايي ځواکونو نه په ډیره ازادانه توګه استفاده کولی شي.
ولسمشر اردوغان وویل " په ادلب کې زمونږ د ځواکونو امنیت نه ساتل کیږي، که چیرې خبره له دې پلوه وي پس مونږ د خپل مشروع مدافع حق نه په استفادې سره د حرکت حق لرو. هیڅوک پر مونږ د اعتراض او نیوکې حق نلري. په ترکي ځواکونو او متحدینو باندې د هر ډول برید په ځواب کې به پرته ددې چې چا ته خبرداری ورکړو په هماغه شیبه کې متقابل او ځوابي بریدونه وکړو .
ولسمشر اردوغان خبرداری ورکړ که چیرې د اسد رژیم ځواکونه د روانې فبروري د میاشتې تر نیمايي پورې د هغه سیمو نه چې د ترکیې د څار نقطې پکې شتون لري خپل ځواکونه په شا نکړي ترکیه به څه چې لازم وي هغه به وکړي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718937436)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718937436)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله