ترکیې ملي دفاع وزیر د پوځ د قومندانانو سره یو ځای د سوریې پولو ته لاړ
د ترکیې د ملي دفاع وزير د پوځ د قومندانانو سره یو ځای د سوریې پولو صفري نقطې ته تللی دی.
د ملي دفاع وزیر خلوصي اکار چې په پام کې وه د ولسمشر رجب طیب اردوغان سره نن اوکراین ته سفر وکړي تیره شپه د اسد د ځواکونو لخوا په ادلب کې په ترکي ځواکونو د برید چې په نتیجه کې ۶ تنه سرتیري په شهادت رسیدلي او ۷ تنه نور ټپیان شوي دي اوکراین ته خپل سفر لغوه او د پوځ د قومندانانو سره یو ځای د سوریې د پولو صفري نقطې ته لاړ.
ملي دفاع وزیر لومړی په پلازمینه انقره کې د لوی درستیز او د پوځ د قومندانانو سره بیړنۍ غونډه وکړه او وروسته يي د سوریې د پولو صفري نقطې ته حرکت وکړ.
د ویلو ده چې تیره شپه د اسد رژیم ځواکونو په ادلب ښار کې د تاوتریخوالي او نښتو د مخنیوي په موخه په ځای په ځای شوو ترکي ځواکونو د توپخانې بریدونه وکړل چې په نتیجه کې ۴ تنه سرتیري شهیدان او ۹ تنه نور ټپیان شوي وو چې د دوو تنو وروسته په روغتون کې شهیدان شول.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
