په ترکیه کې د رامنځته شوې زلزلې د قربانیانو وروستۍ شمیره اعلان شوه
په ترکیه کې د رامنځته شوې زلزلې نه وروسته د ژغورنې چارې اوس هم دوام لري
![په ترکیه کې د رامنځته شوې زلزلې د قربانیانو وروستۍ شمیره اعلان شوه](http://cdn.trt.net.tr/images/xlarge/rectangle/dbaf/4612/1270/5e2e80b9f2a70.jpg?time=1718971580)
![elazığ deprem 2.jpg](http://cdn.trt.net.tr/images/xlarge/rectangle/0d62/8f84/f41f/5e2e80e8bf36a.jpg?time=1718971580)
![elazığ deprem 1.jpg](http://cdn.trt.net.tr/images/xlarge/rectangle/d1f7/8e8c/51ef/5e2e80e62e7b6.jpg?time=1718971580)
د ترکیې د ایلازیغ په ولایت کې د تیرې جمعې ورځ د ماسخوتن په ۸ بجو او ۵۵ دقیقو د رامنځته شوې زلزلې په نتیجه کې د مړو شمیره ۳۹ تنو ته لوړه شوه.
د تیرې جمعې ورځ د ماسخوتن په ۸ بجو او ۵۵ دقیقو کې په ایلازیغ ولایت کې د ریشتر په کچه د ۶ عشاریه ۸ په شدت سره زوروره زلزله رامنځته شوه.
پدې زلزله کې ۳۹ تنه مړه او ۱۶۰۷ تنه ټپیان شوي دي چې ۱۵۱۵ تنه يي د درملنې نه وروسته د روغتونونو نه خارج شوي دي.
د ترکیې د ناورین او بیړنیو حالاتو ادارې ریاست ویلي دي چې د زلزلې د رامنځته کیدو نه سمدلاسه وروسته پيل شوې د ژغورنې عملیات اوس هم دوام لري. د ژغورنې د عملیاتو په ترڅ کې ۴۵ تنه د چپه شوو کورونو او ودانیو د لاندې نه ژوندي ژغورل شوي دي.
زلزله ځپلو سیمو ته ۲۳ زره ۵۰۷ لویې خیمې، ۴۰۰ نورمالې خیمې، ۲۳۵۴ بخارۍ او ۶ ۴۳۶ د خوراکي توکو بستې استول شوي دي.
همداشان د زلزلې نه سمدلاسه وروسته د ترکیې د کورنیو ، چاپیریال او ښار جوړونې او روغتیا وزیران سیمې ته ورسیدل . د ترکیې د دینې چارو عمومي رئیس هم د زلزله ځپلو سیمو نه لیدنه وکړه.
د ترکیې ولسمشر رجب طیب اردوغان هم د زلزلې د رامنځته کیدو په سبا د سیمې نه لیدنه وکړه او زلزله ځپلو نه يي د نږدې نه لیدنه وکړه.
د ترکیې د جمهوریت خلق ګوند مشر کمال کلچدار اوغلو په ایلازیغ ولایت کې د رامنځته شوې زلزلې نه وروسته د زلزله ځپلو سره د خواخوږۍ ، مرستې او همکارۍ نه ستاینه وکړه.
هغه ویلي دي چې د ترکیې ملت یو ځل دا خبره ثابته کړه چې په غم او ښادۍ کې سره یو موټی دي.
همداشان د ښه ګوند مشر مرال اقشنر هم د ایلازیغ ولایت نه لیدنه وکړه.
هغې د زلزلې د قربانیانو د کورنیو نه لیدنه وکړه او هغوې ته يي تسلیت مراتب وړاندې کړل.
اقشنر وویل چې پدې ټپونو به په ګډه پټۍ لګوو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718971580)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718971580)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله