د ترکیې د بهرنیو چارو وزیر عراق ته تللی

چاوش اوغلو  بغداد ته د خپل سفر په ترڅ کې  د نوموړي هیواد د لومړي وزیر عادل عبدالمهدي سره  لیدنه وکړه.

دا لیدنه  په بغداد کې  د حکومت په ماڼۍ کې  د خبري رسنیو نه د بندو دروازو تر شا ترسره شوه.

پدې لیدنه کې  د ترکیې او عراق  هیتانو هم  ګډون کړی وو.

د ترکیې د بهرنیو چارو وزیر  عراق ته د خپل سفر په اړه د خپل ټویټر پاڼې له لارې  لنډ معلومات ورکړي دي.

هغه د خپل ټویټر پاڼې له لارې په خپور کړي  پیغام کې ویلي دي چې  ورور  هیواد  عراق سره  د دوه اړخیزو اړیکو او سیمه ایزو  مسئلو په اړه د خبرو کولو په خاطر  بغداد ته راغلي  یو.

تمه کیږي  چې  مولود چاوش اوغلو  د عراق د ولسمشر برهم صالح، بهرنیو چار وزیر محمد علي الحکیمي او پارلمان رئیس محمد الحلبوسي  سره  هم  لیدنه وکړي.