د سلیماني د وژلو په اړه د ترکیې غبرګون
ترکیې د امریکا متحده ایالتونو او ایران ترمنځه د روان کړکیچ او په اړیکو د ترینګلتیا په اړه اندیښنه وښوده.
د ترکیې د بهرنیو چارو وزارت د امریکا متحده ایالتونو لخوا د عراق په پلازمینه بغداد کې په هوايي برید کې د ایران د قدس د ځواکونو د قومندان جنرال قاسم سلیماني د وژلو په اړه څرګندونې وکړې.
د بهرنیو چارو وزارت لخوا په خپور شوي بیان کې راغلي دي چې په ځانګړې توګه عراق د جګړې په ډګر بدلول هم د عراق او هم د سیمې د سولې او استقرار ته ستر ګوزار دی.
په بیان کې راغلي دي چې " دا یو ښکاره خبره ده چې نن د سهار په ساعتونو کې د امریکا متحده ایالتونو لخوا د عراق په پلازمینه بغداد کې د ایران د قدس ځواکونو د عمومي قومندان د موټرو په کتار هوايي برید کول په سیمه کې د ناامنیو او بې استقرارۍ کچه ښه پسې لوړوي. ټول باید پدې پوه شي چې زمونږ د سیمې ګواښوونکي دا ډول اقدامات چې د شدت او تاریخوالي کچه ښه پسې لوړوي ټولو خواوو ته ستر ضرر رسوي او پر ټولو بدې اغیزې کوي. "
په بیان کې ددې خبرې په ټینګار ویل شوي دي چې ترکیه په سیمه کې د هر ډول بهرنۍ مداخلې، ترورونو او مذهبي نښتو سره تل مخالفت کړی دی او اوس هم سخت مخالفت کوي. ترکیه ټولې خواوو ته د عقل سلیم او اعتدال بلنه ورکوي. هر سړی باید د داسو یو پلو ګامونو نه چې د سیمې سوله او استقرار له ګواښ سره مخامخوي ډډه وکړي او ډیپلوماسۍ له لارې ستونزې حل کړي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله