چاوش اوغلو : هیڅ هیواد د نړۍوالو حقوقو نه لوړ ندی
ترکیې د امریکا پر خلاف سخت غبرګون وښود
د ترکیې د بهرنیو چارو وزیر مولود چاوش اوغلو د فلسطین په خاوره کې د غیرې قانوني یهودي استوګنځایونو اړوند د امریکا د پریکړې په اړه ډیر سخت غبرګون وښود.
هغه وویل چې " هیڅ هیواد د نړۍوالو حقوقو نه لوړ ندی ."
چاوش اوغلو د ټولنیزې مډیا له لارې په خپور کړي پیغام کې ویلي دي چې " هیڅ هیواد د نړۍوالو حقوقو نه لوړ ندی. همداشان د هغه ذهنیت په اساس څرګندونې چې زما خبره د کاڼي کرښه ده زمونږ لپاره د ذرې په اندازه اهمیت او ارزښت نلري."
د ویلو ده چې د امریکا متحده ایالتونو د بهرنیو چارو وزیر مایک پمپیو پرون شپه په فلسطین کې د تر اشغال لاندې سیمو کې د غیرې قانوني یهودي استوګڼځایونو په اړه ویلي وو چې زمونږ په اند دا استوګنځایونه غیرې قانوني ندي.
هغه ویلي وو " په لویدیځه تراړه کې یهودي استوګڼځایونه په اړه د باراک اوباما د حکومت په دوره کې په سیاستونو کې ځینې تغیرات راوستل شوي وو. د ټرمپ د حکومت په توګه پدې پریکړه رسیدلي یو چې د لویدیځې تراړه په اړه دا سیاستونه د سولې د ټینګښت سره هیڅډول مرسته نکوي. "
پمپیو په خپلو څرګندونو کې ویلي وو چې د امریکا ۳۹ م ولسمشر جیمي کارټر حکومت په ۱۹۷۸ کال کې د اسراییلو لخوا جوړیدونکي یهودي ملکي استوګڼځایونه د نړۍوالو حقوقو سره په ټکر کې بللي وو خو بیا د امریکا ۴۰ ولسمشر رونالد ریګن حکومت د جیمې کارټر د حکومت دا سیاستونه او دریځ رد کړی وو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله