ولسمشر اردوغان د امریکا د ولسمشر سره ټیلیفوني خبرې وکړې
د ترکیې ولسمشر رجب طیب اردوغان د امریکا متحده ایالتونو د ولسمشر ډونلډ ټرمپ سره ټیلیفوني خبرې وکړې.
دواړو مشرانو پدې ټیلیفوني خبرو کې د دوه اړخیزو اړیکو سربیره د سیمې پر مهمو مسلو خبرې وکړې.
د ترکیې د ولسمشرۍ ماڼۍ د عامه اړیکو د ریاست د څرګندونو له مخې دواړو مشرانو د ټرمپ په رسمي بلنه د نوامبر په ۱۳ مه نيټه په امریکا کې پر مخامخ لیدنې تفاهم وکړ.
ولسمشر اردوغان د ټرمپ سره د ټيلیفوني خبرو نه وروسته د خپل ټویټر پاڼې له لارې په خپور کې پیغام کې وویل چې " د امریکا د ولسمشر ډونلډ ټرمپ سره مو ټیلیفوني خبرې وکړې. ډیرې ګټورې ټیلیفوني خبرې وې. پدې ټیلیفوني خبرو کې مو د ترهګرۍ پر وړاندې د مبارزې، دواړو هیوادونو ترمنځه په تجاري هدفونو او یو زیات شمیر نورو مسئلو غور او بحث وکړ. زه پوره باور لرم چې د نوامبر په ۱۳ مه نيټه امریکا ته ترسره کوونکی سفر به د دواړو هیوادونو ترمنځه د دوه اړخیزو اړیکو او سیمه ایزو مسئلو په اړه ډیرې ښې پایلي ولري. "
همداشان د امریکا ولسمشر ټرمپ هم د ولسمشر اردوغان سره د ټیلیفوني خبرو نه وروسته د خپل ټویټر پاڼې له لارې په خپور کړي پیغام کې ویلي وو چې د ترکیې د ولسمشر رجب طیب اردوغان سره ټیلیفوني خبرې وکړې او هغه راته د نښتو پر مهال د تښتیدولو د داعش ترهګرې ډلې د مشر البغدادي د کورنۍ لکه ښځې او خور او داسې نورو نیولو خبر راکړ.
ټرمپ ویلي وو چې پدې ټيلیفوني خبرو کې مو د سوریې په پولو، ترهګرۍ د لمنځه وړو، پ ک ک / وای پ جي او نورو مسئلو په اړه خبرې وکړې.
هغه ویلي دي چې د نوامبر په ۱۳ مه د راتلوونکي چارشنبې په ورځ په سپینه ماڼۍ کې د ولسمشر رجب طیب اردوغان سره لیدنې نه بې صبرانه انتظار باسم.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله