ترکیه : د سوریې په شمال کې د ترهګرو لپاره ټاکل شوی مهال ویش د ختمیدو په درشل کې قرار لري
ترکیه : د سوریې په شمال کې د ترکیې د پولو نه د ترهګرو د وتو بهیر د نږدې نه تعقیبوو.
ترکیې ویلي دي چې د سولې چینې د پوځي عملیاتو په اړوند د امریکا سره د شوي توافق په چوکاټ کې د امن لپاره د ټاکل شوي سیمې نه د ترهګرو د وتو بهیر د نږدې نه تعقیبوي. تر اوسه پورې ددې سیمې نه ۱۳۶ موټرې وتلې دي.
دا خبره د ترکیې د ملي دفاع وزارت د عامه اړیکو مسئولې ډګرمنې نادیده شبنم اق توب خبري غونډې ته وکړې. هغه د سولې چینې عملیاتو د وروستیو پرمختګونو په اړه خبریالانو ته معلومات ورکړل.
هغې وویل چې د سولې چینې عملیاتو په اړه د امریکا متحده ایالتونو سره د شوي توافق په چوکاټ کې د امن سیمې لپاره د ټاکل شوي سیمې نه ترهګرو ته د وتو په خاطر ۱۲۰ ساعته مهال ویش ټاکل شوی وو. پدې موده کې به ترهګر د سیمې نه وځي، د هغوې نه به درندې وسلې راټولیږي او د هغوې اړوند ټول پوځي تاسیسات به لمنځه وړل کیږي. ترکیه دا بهیر د ډیر نږدې نه تعقیبوي. پدې چوکاټ کې تر اوسه پورې ۱۳۶ موټرې د سیمې نه وتلي دي.
هغې وویل چې د ترکیې وسله والو ځواکونو په هغه سیمه کې چې تصفیه کړي او تر کنټرول لاندې نیولي دي هر ډول امنیتي تدابیر نیولي او د ترمال او شپې لیدو کمرو او څار پر فعالیتونو يي پیل کړی دی.
هغې ویلي دي چې ترکیې د امریکا سره په شوي توافق ټکي په ټکي عمل کړی دی خو له بده مرغه چې د پ ک ک ترهګرې ډلې د څانګې وای پ جي لخوا ددې توافق نه ۴۲ ځلې سرغړونه شوې ده . همداشان ددې تیریو او غړونو په مقابل کې مشروع د مدافع حق نه کار اخیستی شو.
هغې وویل چې د سولې چینې د عملیاتو په ترڅ کې تر اوسه پورې ۱۶۰ سیمې د ترهګرو نه تصفیه او پاکې کړي او کنټرول مو پکې ټینګ کړی دی. همداشان د عملیاتو په ترڅ کې ۲۲۰۰ کیلومتره سیمه د ترهګرو نه تصفیه شوې ده . د عملیاتو پر مهال جمعآ ۷۷۵ تنه ترهګر له منځه وړل شوي دي.
په هغه سیمو کې چې د ترهګرو نه نیول شوي او تصفیه شوي دي د ژوند ورځنۍ چارې نورمال حالت ته اوښتو په خاطر په سیمو کې د ماینونو د پاکولو او ترهګرو لخوا د ځای په ځای شوو بمونو او چاویدونکو توکود شنډولو چارې په شدت سره دوام لري . تر ننه پورې ۴۰ ماینونه او ۲۲۲ په لاس جوړ شوي بمونه د امنیتي ځواکونو لخوا کشف او شنډ شوي دي.
هغې وویل چې ترهګرو ته د ټاکل شوي مهال ویش د غځولو نیت نلرو . دا مهال ویش نن شپه د ترکیې په ځايي وخت د شپې په لسو بجو پایته رسیږي.
هغې وویل چې ددینه وروسته به هم د ماینونو د شنډولو او چاویدونکو توکو د لمنځه وړو په خاطر هلې ځلې دوام لري که چیرې ددې عملیاتو پر مهال ترهګر مخې ته راشي هغوې به هم له منځه یوړل شي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله