د ترکیې او امریکا ترمنځه د شوي توافق په اړه ګډه اعلامیه

د ترکیې  ولسمشر رجب طیب اردوغان  او امریکا متحده ایالتونو مرستیال ولسمشر مایک پنس  په انقره کې د دوه په دوه  او وروسته د دواړو هیوادونو د هیئتانو ترمنځه  د لیدنې نه وروسته د سوریې د شمال  په اړه د ترکیې او امریکا ۱۳ ماده ایزه ګډه اعلامیه خپره شوه.

دا کډه اعلامیه په لاندې  ډول ده.

۱ -  ترکیه او امریکا د ناټو د سازمان دوه نږدې غړیو په توګه  دا اړیکي  تاییدوي.

۲ – امریکا د ترکیې په سویلي پولو کې ددې هیواد  په  مشروع امنیتي اندیښنو ښه پوهیږي. دواړه هیوادونه  د سوریې د شمال په ګډون په سیمه کې  د پرمختګونو په اړه  د ګډو  ګټو په رڼا کې  د لا نږدې همکارۍ ترسره کول  قبولوي.

۳ – ترکیه او امریکا ( مونږ  ټول  یو  یو   او زمونږ  یو  زمونږ  ټول  دي )  د درک سره  د ناټو سازمان د خاورې  او خلکو نه د ټولو تهدیدونو په مقابل کې  د دفاع د تهداتو نه حفاظت کوي.

۴ -  دواړه هیوادونه د انسان د ژوند،د بشري حقونو او دینې او قومي  ټولنو نه د دفاع په برخه کې خپل تهدات  نوي کوي.

۵ -  ترکیه او امریکا  د سوریې په شمال ختیځ کې د داعش ترهګرې ډلې پر خلاف مبارزې ته ژمن دي. همداشان  دوه هیوادونه  ددینه وړاندې د داعش تر کنټرول لاندې  د سیمو د اوسیدونکو چې د خپل کور او کلو نه شړل شوي وو او په سیمه کې د موجودو زندانونو په مسئله کې هم  همکارۍ ته ژمن  دي.

۶ -  ترکېې او امریکا د ترهګرۍ پر وړانډې د مبارزې عملیاتو په چوکاټ کې  یواځې  د ترهګرو عناصرو او ددې عناصرو اړوند د مرکزونو، پنځایونو، موضع ګانو، وسلو او مهماتو مرکزونو، ډیپوګانو او نقلیه وسایطو باندې  د برید کولو په مسئلې سره په توافق رسیدلي دي.

۷ – ترکیه  د ترکیې د وسله والو ځواکونو تر کنټرول لانډې د امن سیمې په ټولو سیمو کې  د خلکو  سر  او مال  امنیت  د ساتلو  ژمنه کوي ، ملکي وګړو او ملکي بڼسټونو  ته  د ضرر نه رسولو په برخه کې  د خپل وس او توانه پورې د هڅه کولو ژمنه کوي.

۸ -  دواړه هیوادونه  د سوریې د سیاسي یووالي او مځکنۍ بشپړتیا او د سوریې اختلاف د ملګروملتونو سازمان د امنیت شورا د ۲۲۵۴ شمیره پریکړې په رڼا کې  د خلکو په خاطر  د ملګروملتونو په مشرۍ د سیاسي  خپل ملاتړ تازه کوي.

۹ – دواړو هیوادونو  د وای پ جي په لاس کې د موجودو درندو وسلو د راټولو او د وای پ جي  مراکز، ټولې محاربوي  موضع ګانو د لمنځه وړو او د ترکیې د ملي امنیت د اندیښنو د لمنځه وړو په خاطر  د امن سیمې د جوړولو په اهمیت او موثریت  باندې  ټینګار  کوي.

۱۰ – په لومړي قدم کې به  د امن سیمې  کنټرول  د ترکیې وسله والو ځواکونو  په لاس کې وي  او دواړو خواوې به  د امن سیمې د ټولو مسایلو په اړه همکارۍ کچه  لوړوي.

۱۱ – ترکیه  د سولې چینې پوځي عملیات  د ټاکل شوې امن سیمې نه  د ۱۲۰ ساعتونو په دننه کې په کامله توګه  د وای پ جي  د وتلو  پورې  دروي  او د سیمې نه په کامله توګه  د وای پ جي د وتلو  نه د مطمئن کیدو نه وروسته  عملیات پایته رسوي.

۱۲ – د سولې چینې عملیاتو  د دریدو  پدې موده کې به امریکا 'Blocking Property and Suspending Entry of Certain Persons Contributing to the Situation in Syria' تر عنوان لاندې  د اکتوبر په ۱۴ مه نيټه د ولسمشرۍ د اجراییوي  فرمان  سره د لګول شوو تحریمونو نه  اضافه تحریمونه  نه لګوي او په کنګره کې به پدې اړه مناسبو چارو او سلامشورو ته  زمینه برابروي. همداشان  د ملګروملتونو د امنیت شورا د ۲۲۵۴ شمیره پریکړې په رڼا کې په سوریه کې د سولې او امنیت د ټینګښت  په اړه  د پرمختګونو په اړه سره  توافق کوي. د سولې چینې عملیات د ۱۱م پراګراف  په اساس  د دریدو سره به  پاس ذکر شوي  د ولسمشرۍ د فرمان سره لګول شوي تحریمونه  لرې کیږي.

۱۳ – دواړه هیوادونه  پدې اعلامیه کې د  ذکر شوو ټولو هدفونو د عملي کولو په خاطر په ګډه د کار کولو  ژمنه او تعهد کوي.