التون : که نړۍ د ترکیې نه ملاتړ وکړي او که نه ترکیه د ترهګرۍ پر وړاندې مبارزې ته دوام ورکوي

د ولسمشرۍ ماڼۍ د عامه اړیکو د ریاست د څرګندونو له مخې ، د عامه اړیکو رئیس التون  د فرانسې د خبري آژانس فرانس پرس سره  ځانګړې مرکه کړې ده .

هغه  په سوریه کې  د ترکیې د روانو  عملیاتو په اړه  پوښتنې ځواب کړي دي. هغه وویل چې  ترکیه او امریکا د ۶۷ کلونو راهیسې  د  ناټو سازمان متفق غړي هیوادونه دي.

هغه وویل چې  د ترکیې او امریکا ځواکونو  د کوریا نه نیولې تر افغانستان نه د نړۍ په یو زیات شمیر سیمو کې په ګډه  جګړه کړې، وینې بهیدلي  او ژوند يي د لاسه ورکړی دی.

ترکیې  د داعش  پر خلاف په مبارزه کې هم  د امریکا  نه  قوي ملاتړ کړی دی.

هغه وویل چې  د امریکا پخواني ولسمشر  اوباما ادارې  په ترکیه کې د پ ک ک ترهګرې ډلې سره  تعلیم  او وسلو مرسته کړې .

التون وویل چې  د اوباما  ادارې  په ترکیه کې  د زرګونو تنو د قاتل  ترهګریز سازمان  پ ک ک سره  د وسلو او تعلیم په برخو کې مرسته کوله. ددوې دا ګام ډیر خطرناکه  او تر نن پورې  لیدل شوی ندی. البته چې دا کار يي د داعش ترهګرې ډلې پر خلاف د مبارزې په خاطر  کړی دی.

خو کله چې  په سوریه کې د داعش ترهګرې ډلې حاکمیت له منځه یوړل شو  او په کامله توګه محوه  شول  همدې پ ک ک ترهګرې ډلې د امریکا نه د ترلاسه کړو وسلو او مهماتو سره  په ترکیې  بریدونه پیل کړل. د همدې امریکايي وسلو میلونه يي د ترکیې پر لورې راواړول.

ترکیې ددې په مقابل کې د امریکا نه  پ ک ک ته ورکړو  درندو وسلو د بیرته راټولو  او هغوې ته د نورو وسلو او مهماتو د نه ورکولو غوښتنه وکړه  خو له بده مرغه چې امریکا ددوې سره د وسلو او مهماتو مرستې ته دوام ورکړ.

ترکیه بالاخره مجبوره شوه چې په خپلو سویلي پولو  کې  د ترهګرو د دولت د جوړولو او د هغه خوا نه د مخامخو تهدیدونو د لمنځه وړلو په خاطر  دا ګام اوچت کړي.

هغه وویل چې نن ورځ  امریکا او د ناټو نورو غړیو هیوادونو چلند او دریځ  په ترکیه کې  د خلکو ترمنځه  ډول ډول پوښتنې پيدا کړي دي.

دوي پوښتنه کوي چې د ناټو په سازمان کې د ترکیې نږدی متفق هیواد امریکا ولې د ترهګرۍ پر وړاندې په مبارزه کې د ترکیې پلوي نکوي؟ امریکا ولې په ترکیه کې د میشتو کډوالو د ستونزې لپاره د یوې مناسبې حل لارې په لټولو کې مرسته نکوي او یا پدې اړه خپل نظر نه بیانوي؟ امریکا ولې د سوریې په شمال کې  د کډوالو لپاره جوړیدونکې  د امن سیمې سره  مخالفت کوي؟

التون وویل چې پدې وروستیو کې مونږ  وینو چې ځینې امریکايي چارواکي د خپلو صلاحیتونو نه په استفادې سره  په خبري رسنیو کې د سوریې په شمال کې  ترکیې د پوځي عملیاتو د بد نامولو په خاطر  د ناسمو خبرونو او ویدوګانو خپرولو ته  اجازه ورکوي  او پدې اړه کمپاین کوي. دوې  د ترهګرو لخوا په ترسره شوو جنایتونو  پرده غوړوي  .

د پ ک ک ترهګرې ډلې څانګو پ وای ډي او وای پ جي په زرګونو ته داعشیان د زندانونو نه خوشې کول  ولې څوک  ددې مسئلې په اړه  څه نه وايي؟ همدې ترهګرې ډلې د اسد د رژیم سره  په تفاهم  خپلې سیمې هغوې ته په خوشې کولو توافق کړی دی.

ترکیه د سوریې په شمال کې روان عملیات په ډیر شفافیت سره پر مخ وړي.

هغه وویل که چیرې نړۍواله ټولنه  د داعش  په ګډون د ټولو ترهګرو سازمانونو سره د ترکیې  روانې مبارزې نه ملاتړ وکړي او که نه  خو ترکیه  خپلې مبارزې ته دوام ورکوي. په ټولو خواوو غږ کوو چې  ناسم  او بې بڼسټه خبرونو او تبلیغاتو ته د پای ټکی کیږدي او ترکېې لخوا د نړۍوالې ترهګرۍ پر وړاندې د مبارزې ته ملاتړ وکړي.