د ترکیې د ولسمشر مرستیال فواد اوکتای وویل چې ترکیه د چا تهدیدونو ته غاړه نږدي .
فواد اوکتای په پلازمینه انقره کې د غازي پوهنتون د ۲۰۱۹ او ۲۰۲۰ تعلیمي کال د پرانیستو په مراسمو کې ګډون وکړ.
![د ترکیې د ولسمشر مرستیال فواد اوکتای وویل چې ترکیه د چا تهدیدونو ته غاړه نږدي .](http://cdn.trt.net.tr/images/xlarge/rectangle/0067/0fd1/c790/5d9c4df35d823.jpg?time=1719022633)
هغه دلته په خپله وینا کې د سوریې په شمال ختیځ کې د فرات سیند ختیځو برخو کې د پ ک ک ترهګرې ډلې د څانګو پ وای ډي او وای پ جي پر خلاف د ترسره کیدونکو پوځي عملیاتو ته په اشارې سره وویل « ترکیې د فرات ډال او عفرین د عملیاتو سره سیمه د ترهګرو نه تصفیه کړه او د ترکیې نه ۳۷۰ زره تنو سوري کدوالو په داوطلبانه توګه خپلو سیمو ته ستانه شول.
اوس وار د فرات سیند د ختیځو برخو رارسیدلی دی. ترکیه به پدې سیمه کې د امن منطقه جوړه کړي.
ترکیه ددې عملیاتو سره غواړي چې هم خپلې سویلي پولې د ترهګرو د هر ډول تهدیدونو نه وژغوري او هم سوري کډوالو ته خپل هیواد ته په ډاډمنده توګه د بیرته سیتندو لپاره زمینه برابره کړي.
هغه ددې احتمالي عملیاتو په اړه د نړۍوالې ټولنې عکس العملونو په اړه وویل چې، ترکیې هیڅکله د چا تهدیدونو ته غاړه نده ایښې او ددینه وروسته به يي هم کینږدي. ترکیه داسې هیواد ندی چې د چا د تهدیدونو په اساس حرکت وکړي.
کله چې د ترکیې د امنیت مسئله د بحث وړ وي لکه څرنګه چې ولسمشر اردوغان په کراتو ویلي دي ترکیه خپله ستونزه پخپله د حلولو توان لري. پدې برخه کې د هیچا شرط او بل څه ته غوږ نږدي .
ترکیه به د خپلو سویلي پولو پورې غاړې ته په سوریه کې هیڅکله هم د ترهګري ډولت او دهلیز جوړولو ته اجازه ورنکړي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719022633)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719022633)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله