که چیرې د امریکا سره روان مذاکراتو نه مثبته نتیجه ترلاسه نشي ترکیه به خپل پلان تطبیق کړي

 د ترکیې ولسمشر رجب طیب اردوغان  وویل که چیرې  د سوریې په شمال کې  د امن د سیمې  په اړه د امریکا سره د روانو مذاکراتو په ترڅ کې تر دوو اونیو پورې  مثبته نتیجه ترلاسه نشي  ترکیه به خپل پلانونو په تطبیق  لاس پورې کړي.

ولسمشر اردوغان دا څرګندونې  د بیشتپې ماڼۍ  د ملت د کانګرې او کولتور  په مرکز کې  د لوړو زده کړو د اکادمیک  کال د پرانیستو په مراسمو کې وکړې.

هغه  دلته  په خپله وینا کې  په سوریه کې د امن سیمې په اړه د امریکا سره د روانو مذاکراتو نه یادونه وکړه.

اردوغان زیاته کړه « که چیرې  د دوو اونیو په دننه کې  مثبته نتیجه ترلاسه نشي  ترکیه  به د خپلو پلانونو په تطبیقولو پیل وکړي. په راتلوونکو میاشتو کې  رامنځته کیدونکي  پرمختګونه به د سوریې د روان بحران  برخلیک وټاکي چې ایا دا  ستونزه  د سهولت  سره  حل کیږي او که لا پسې ژوریږي. که چیرې  د سوریې په شمال کې  د فرات سیند ختیځو خواوو ته  سیمې  د ترهګرو نه تصفیه شي  او امنیت پکې ټینګ شي  پدې سیمه کې په جوړیدونکي  د امن په سیمه کې  په ترکیه او اروپا کې میشت  څه باندې درې میلیونه تنه  سوري وګړي به ځای په ځای  کړو.

مونږ  د اروپايي هیوادونو نه هم د ادلب او هم  د فرات سیند ختیځو سیمو په اړه د لا زیات قوي  ملاتړ انتظار کوو. د عمل  وخت  رارسیدلی دی  یواځې  په خبرو څه نه کیږي.