روسیې ترکیې ته د اس ۴۰۰ توغندیو د سیستم د انتقال دویم پړاو پيل کړ
روسیې ترکیې ته د اس ۴۰۰ اوږد واټنه دافع هوا توغندیو د سیستم د سپارولو په لړ کې دویمه دستګاه ترکیې ته تسلیم کړه.
د ترکیې د ملي دفاع وزارت د مسئلې په اړه د بیان په خپرولو سره ویلي دي چې
« ترکیې د دافع توغندیو په برخه کې د خپلې اړتیا له مخې د ۲۰۱۷ میلادي کال د اپریل په ۱۱ مه نيټه د روسیې نه د اس ۴۰۰ اوږد واټنه دافع هوا توغندیو د سیستم د رانیولو په خاطر تړون لاسلیک کړ. ددې تړون له مخې روسیې د ۲۰۱۹ میلادي کال د جولای په ۱۲ مه نيټه ترکیې ته د اس ۴۰۰ اوږد واټنه دافع هوا توغندیو د سیستم په سپارولو پیل وکړ. روسیې ترکیې ته د اس ۴۰۰ دافع هوا توغندیو د سیستم لومړۍ برخه تسلیم کړه. د دویمې برخې د انتقال چارې د اګست په ۲۷ مه رسمآ پیل شو. پدې چوکات کې روسیې د اس ۴۰۰ سیستم دویمه دستګاه د ترکیې د پلازمینې انقرې د مرتد هوايي هډې ته راانتقال کړه . د دویم پړاو انتقال چارې به شاوخوا یوه میاشت دوام وکړي.
روسیې د نوموړي سیستم ترکیې ته سپارولو لومړنی پړاو په ۱۵ ورځو کې سرته ورسولی وو. روسیې په ۳۰ الوتکو کې د اس ۴۰۰ توغندیو دستګاه ګانې او تجهیزات ترکیې ته راانتقال کړل.
دویم پړاو د سرته رسیدو نه وروسته به بیا دریم او وروستی پړاو ترکیې ته راانتقال کړی شي. »
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله