د ترکیې ولسمشر رجب طیب اردوغان د بري د اونۍ په مناسبت پیغام خپور کړ.
د ترکیې ولسمشر رجب طیب اردوغان وویل چې د اګست میاشت وروستۍ اونۍ د ترک تاریخ د بري اونۍ ده. د مالازګیرت بری زمونږ لپاره لارښود دی او تل به مونږ ته لار وښايي.
د ترکیې ولسمشر رجب طیب اردوغان د بري د اونۍ په مناسبت پیغام خپور کړ.
ولسمشر رجب طیب اردوغان به خپل پیغام کې لیکلي دي چې په ۱۰۷۱ کې د مالازګیرت د ستر بري سره اناتولیا زمونږ د ملت په وطن بدل شو او د ۱۹۱۹ او ۱۹۲۲ کلونو ترمنځه د ستر بري سره زمونږ ملت ټولې نړۍ ته خپل بری یو ځل بیا اعلان کړ.
همداشان د اګست د ۳۰ د ستر بري سره زمونږ د ټولو ګډ میراث د جمهوریت نظام بنسټ کښودل شو.
ولسمشر اردوغان په خپور کړي پيغام کې ویلي دي چې د مالازګیرت د ستر بری او وروسته د ستر تعرض د ستري بري له امله د اګست وروستۍ اونۍ په ډیر ویاړ سره په هیواد کې د ظفر د اونۍ په توګه لمانځو.
ولسمشر اردوغان وویل چې د تاریخ په اوږدو کې زمونږ د یووالي او اتحاد پر خلاف هر ډول اقدام او برید زمونږ د ملت لخوا په شا تنبول شوی دی. د ۱۰۷۱ د مالازګیرت د ستر بري سره پیل شوی زمونږ دا سپڅلی او مقدس مزل د ۱۹۲۲ کال د اګست په ۳۰ مه نيټه د دومپلوپنار د ستر بري سره تاجداره کړ. دې ستر بري زمونږ عزیز ملت ته د روښانه راتلوونکي په لاره کې یوه ډیره مهم حمله وه. زمونږ ملت ته يي مورال او طاقت ورکړ. د جمهوریت د اعلانیدو نه وروسته په چټکۍ سره د پرمختګ پر لورې ګامونه اوچت شوي دي.
ولسمشر اردوغان په خپور کړي پیغام کې ویلي دي چې د مالازګیرت بري زمونږ د ملت تقدیر بدل کړی او اناتولیا کې د تاریخ په اوږدو کې ورورولۍ، همغږۍ، مرستې او مدنیت د بڼسټ ایښودو په لاره کې لومړی ګام بلل کیږي.
سلطان الپ ارسلان چې په اناتولیا کې د عدالت او مرحمت پر بڼسټ ولاړ ادارې سره د سولې ، ثبات او همغږۍ بڼسټ کیښود د ځان نه وروسته د نورو مشرانو لپاره هم په ښه لارښود بدل شوی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله