د ترکیې د ملي دفاع وزیر د هیواد د قوتونو د قومندانانو سره غونډه وکړه
د ترکیې د ملي دفاع وزیر خلوصي اکار د امریکا متحده ایالتونو نه د راغلي هئیت سره د لیدنې نه وروسته نن د ترکیې د وسله وال پوځ د قوتونو د قومندانانو سره غونډه وکړه.
پدې غونډه کې په سوریه کې د فرات سیند په ختیځو سیمو کې د ترهګرو پر خلاف په احتمالي عملیاتو خبرې وشوې.
د ترکیې د دفاع وزیر اکار د نوموړې غونډې په اړه وویل چې « ترکیې خپل نظریات او وړاندیزونه امریکايي هئیت ته وړاندې کړل. د هغوې نه مو هر څه ژر د ځواب غوښتنه وکړه. دا خبره مو ورته هم وکړه چې نور د انتظار تحمل او صبر نلرو، د اړتیا په صورت کې د خپلو امکاناتو نه کار اخیستی شو. »
د ویلو ده چې د ترکیې د ملي دفاع وزیر د تیرې دوشنبې په ورځ په انقره کې د سوریې لپاره د امریکا ځانګړی استازی جیمز جیفري حضور ته منلی وو. همداشان پدې لیدنه کې د دواړو هیوادونو د پوځي هئیتانو ترمنځه په سوریه کې جوړیدونکي د امن سیمې په اړه په مشترکه د کار کولو په مسئلې سره په تفاهم رسیدلي وو. دینه وروسته د دواړو هیوادونو پوځي هئیتانو ځینې مشترکې غونډې هم وکړې.
د ترکیې د دفاع وزیر وویل چې امریکايي هئیت سره په لیدنه کې د اف ۳۵ ډوله الوتکو په اړه هم د ترکیې دریځ وړاندې کړ. هغه وویل امریکايي هئیت ته په مو په ټینګار وویل چې ترکیې ته د اف ۳۵ ډوله الوتکو په مسئله کې امریکا باید د دواړو هیوادونو ترمنځه اړیکو ته د زیان رسوونکو هر ډول ګامونو اوچتولو نه ډډه وکړي. اف ۳۵ ډوله الوتکې د ناټو د غړي او امریکا د نږدې متحد په توګه د ترکیې حق دی. همداشان ترکیې ته د نوموړو الوتکو د نه ورکولو په صورت کې مجبور یو چې بدیلې لارې چارې ولټو. د بدیلو لارو د موندولو پر مهال بیا هیڅوک د نیوکې حق نلري.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله